Вести › Набрзинка

Специјалисти ќе земаат 36.500 евра месечна плата за проектот на „Бехтел и Енка“

26 мај 2023

Пратеникот Александар Николоски, прикажувајќи нови делови од договорот со „Бехтел и Енка“ во емисијата „Само интервју“ на Канал 5, открива дека од Владата ќе бидат исплатени дополнителни 11 милиони евра за ангажирање на најмалку пет специјалисти за надзор за период од пет години.
Според потпретседателот на ВМРО-ДПМНЕ, платата на еден специјалист ќе биде 36.500 евра. Николоски вели дека бројот на специјалисти што ќе се ангажираат е недефиниран, што значи дека може да се повеќемина.
„Ние не знаеме дали тие 35.000 евра месечно се многу или малку,“ реагираше водителот на емисијата, штотуку паднат од Марс.

извор

Работната група на Венс открила измами од 230 милијарди долари

9 август 2026

Специјалната оперативна група на потпретседателот Џ.Д. Венс, која ја наследи канцеларијата DOGE на Илон Маск, објави дека се откриени измами, корупција и непотребни трошоци за федералниот буџет во износ од 229,9 милијарди долари.
На годишно ниво биле спречени измами од 56,4 милијарди долари преку административни промени во правилата и суспензии на добавувачи. Во буџетот на САД биле вратени 55,5 милијарди долари преку правни обвиненија, граѓански парични казни и порамнувања.
Најмногу измами, во износ проценет на 122,9 милијарди долари, биле откриени во Администрацијата за мали претпријатија. Во системот за Здравство и социјални услуги имало измами од 96,2 милијарди долари.
Белата куќа на 6 август објави веб-страница на која може да се следат извештаите за откриените измами и заштедените пари. Канцеларијата DOGE на Маск водеше слична евиденција до јануари. Не е јасно дали дел од тие податоци се вклучени во вкупните износи наведени на новата веб-страница.

извор

Иран му постави на Трамп нови услови за Ормускиот проток

9 август 2026

Техеран им постави седум услови на САД за деблокирање на Ормускиот проток:
- Крај на заканите од Трамп за Иран;
- Траен крај на војната против Иран и неговите сојузници во Либан, Палестина, Јемен и Ирак;
- Укинување на поморската блокада на иранските пристаништа;
- Повлекување на американската војска од регионот;
- Исплаќање воена отштета;
- Укинување на сите санкции, и
- Безусловно ослободување на замрзнатите средства на Иран.
„Непријателот е принуден да ги прифати условите. Штом ќе го направи тоа, теснецот сигурно ќе биде отворен“, изјави портпаролот на Револуционерната гарда, Хосеин Мохеби.
Шефот на дипломатијата Абас Арагчи изјави дека се во завршна фаза преговорите со Оман за привремена заедничка навигација на бродовите низ Протокот. Тој, сепак, додаде дека договорот нема да гарантира отворање на Ормускиот проток. „САД ќе мора да платат, како компензација за прекршувањето на Меморандумот за разбирање потпишан во јуни“, изјави Арагчи.

извор