Вести › Набрзинка

Штекли, трета мајка

14 ноември 2024

Раде Трајковски – Штекли по трет успеа да извлече „жива глава“ и да се спаси откако среде бел ден, дваесет минути по девет часот одекна експлозија во дворот од куќата каде што живее во скопската населба Ќерамидница.
Слободен печат пишува дека направата била активирана со далечински управувач а Штекли е повреден но во стабилна состојба.
Претходно, во два наврата го пукаа во Ист Гејт.
„Скопје, Керамидница карши Ист Гејт! Стиже катаклизма, љуби те брат“, стои во видеото објавено на „Тик-ток“, кое го коментираше и министерот Тошковски: „Ова е доказ дека бандите си хараат и денеска“.

„Овај човек је неуништив“, сцена од филмот Ко то тамо пева.

8 јули 2025

8 јули 2025

Србија и Босна и Херцеговина се меѓу 14-те избрани земји на кои претседателот Доналд Трамп од 1 август им воведува значително повисоки тарифи за увоз на производи. Србија е погодена со царина од 35%, а Босна и Херцеговина со 30%.

Тарифите за другите земји се во рангот од 25% за увоз на стоки од Јапонија, Јужна Кореја, Малезија, Казахстан и Тунис, 30% за Јужна Африка, 32% за Индонезија, 35% за Бангладеш, 36% за Камбоџа и Тајланд и 40% за Лаос и Мјамнар.

Во писмата што им ги испратил на претседателите Трамп ги известува дека „новите царини биле неопходни за да се корегираат трговските дефицити на САД“. Ги предупредува дека на секое нивно зголемување на царините САД реципрочно ќе одговорат, а при отстранување на царинските и регулаторните бариери „можеби“ ќе разгледаат намалување.
Белата куќа објави дека до крајот на неделата ќе бидат испратени писма со идентична содржина, но со различен процент на тарифи и до други земји.