- Американските воздухопловни сили за само еден месец испратиле кон Блискиот Исток половина од вкупниот број воени транспортери C-17 Globemaster - ниво кое не е вообичаено за рутински ротации и кое може да се спореди со војната против Ирак во 1991 година.
- „112 авиони C-17 се на Блискиот Исток или се на пат. Луѓе, тоа е многу. Многу како Пустинска бура“, предупреди Баз Патерсон, поранешен пилот и воен советник на претседателот Бил Клинтон.
- САД имаат приближно 223 авиони C-17. Секој може да носи товар од 77 тони, вклучувајќи војници, оклопни возила, муниција и противвоздушни системи, како Патриот или ТХААД. Десетици авиони од овој тип се испратени кон воздухопловните бази „Ал Удеид“ во Катар, „Мувафак Салти“ во Јордан и кон „Принц Султан“ во Саудиска Арабија.
- За време на Пустинска бура секој ден близу фронтот слетувале по 124 товарни авиони, кои во 52.000 мисии пренеле вкупно 534.000 војници и 542.000 тони товар. Во американските бази слетувал по еден товарен авион на секои 11 минути.
- Државата и општините со години ги убедуваа граѓаните да ги заменат старите печки со печки на пелети за да го намалиме загадувањето. За тоа се трошеа јавни пари.
- Денес, пред почетокот на грејната сезона, вреќа од 15 килограми стигнува до 399 денари, цените често не се ни јавно објавени, а граѓаните масовно ги продаваат печките во кои некогаш беа поттикнати да инвестираат.
- Каде пропадна добрата идеја? Државата ја субвенционираше печката. Горивото го заборави. Не е доволно да му помогнеш на граѓанинот да ја купи печката, а потоа да му кажеш дека горивото е работа на пазарот.
- Предлогот на американскиот претседател Доналд Трамп за преименување на вештачката интелигенција (AI) во супер интелигенција (SI) повлече рекордно зголемување на регистрациите на словенечки интернет домени (.si).
- Националниот регистар на Словенија објави дека во септември имало огромна побарувачка за .si домени: биле регистрирани 44.000 .si адреси, а само месец претходно имало помалку од 2.000.
- Тоа е зголемување од речиси 2.200 проценти.
- Праксата за шпекулативно купување домени се вика "cyber-squatting" и целта е тој подоцна да се продаде по висока цена. Рик Шворц во 1997 го купи men.com за 15.000 долари. Седум години подоцна го продаде за 1,32 милиони долари.
- Толку е веста. Легни.си.
