- Во најсмртоносните израелски напади на територијата на Либан од 2006-та година, досега се знае за 182 загинати и преку 700 повредени.
- Израелските одбранбени сили тврдат дека цел на нападите биле ракети скриени во куќи во јужен Либан, главно во шиитските села кои се сметаат за упориште на Хезболах.
- Имале преку 300 цели за кои преку разузнувачки податоци разбрале дека Хезболах ги планира за лансирање нов напад врз Израел.
- Израелската војска соопшти дека илјадници либански цивили, преку СМС и телефонски повици (60.000) биле предупредени да ги напуштат куќите. Нападите почнале 30 минути подоцна.
- „Цела цивилизација ќе умре вечерва, за никогаш повеќе да не се врати. Не сакам тоа да се случи, но веројатно ќе се случи“, порача Доналд Трамп во безумна закана за уништување на Иран.
- Тој цврсто стои до ултиматумот што му постави на Техеран до вечер во 20 часот според американско време да го деблокира Ормускиот Теснец. Ако не, ќе нареди „пеколни“ напади кои „ќе го вратат Иран во Камено доба“.
- Трамп отворено се закани дека ќе ги уништи мостовите, енергетските постројки и централите за десалинизација, што би оставило десетици милиони Иранци без струја и вода. Тоа, според сите критериуми е воено злосторство насочено против цивили.
- Трамп остави мал простор да ги откаже нападите во последен час, како и во претходниот ултиматум до Техеран пред две недели: „Сепак, сега кога имаме целосна и тотална промена на режимот, каде што преовладуваат различни, попаметни и помалку радикализирани умови, можеби може да се случи нешто револуционерно прекрасно, Кој знае?“.
- И самиот дава одговор: „Ќе дознаеме вечерва, еден од најважните моменти во долгата и сложена историја на светот. 47 години изнудување, корупција и смрт конечно ќе завршат. Бог да го благослови великиот народ на Иран!“.
