- Џони Деп главно победи во судскиот процес за клевета против поранешната сопруга Амбер Херд откако поротата процени дека со нејзината колумна во Вашингтон пост го наклеветила и му нанела штета на екс-сопругот, текст кој беше во центарот на неговата тужба.
- Едногласната одлука на поротата доненесена по речиси 13 часа дебатирање, го заокружи судскиот процес кој траеше седум недели и во кој се доведоа десетици сведоци за да се утврди дали Деп ја малтретирал Амбер или било обратно за време на нивниот 15 месечен брак.
- Поротата реши дека и двајцата се клеветеле но Амбер ќе треба да му плати на Џони 15 милиони долари а тој нејзе 2 милиона. Тој бараше 50 милиони, таа 100 милиони.
- Херд изјави дека срцето ѝ се скршило кога ја слушнала пресудата. „Најмногу сум разочарана од тоа што една ваква пресуда значи за другите жени. Ова го враќа часовникот назад во времето кога жена која ќе се охрабри да проговори завршува јавно засрамена и понижена,“ изјави девојката која остава чудни поклони по креветите на своите партнери.
- Украина извела силен напад со дронови поради што се затворени два битни аеродроми кои го опслужуваат рускиот главен град.
- Руската против-воздушна одбрана срушила девет дрона кои се движеле кон Москва а запалена е хемиска фабрика на 30 километри од Кремљ.
- Во меѓувреме, Русија соопшти дека за првпат во тригодишната инвазија, навлегла во источната украинска област Дњипропетровск што е прва поголема територијална ескалација во последно време.
- Дњепропетровск е важен рударски и индустриски центар за Украина, а подлабокото руско напредување во регионот би можело да има сериозен негативен ефект врз војската и економијата на Киев, кои се во криза.
- Колумбискиот десничарски сенатор и сериозен кандидат за претседателската трка идната година, Мигел Урибе Турбај, беше застрелан додека им се обраќаше на своите приврзаници во квартот Моделија во Богота.
- Најверојатно бил застрелан в грб и глава и веднаш пренесен во болница во која, како што пиша неговата сопруга, се бори за живот.
- Градоначалникот на Богота потврди дека осомничениот атентатор е уапсен а министерот за одбрана, Педро Санчез понуди награда од три милијарди колумбиски пезоси (715.000 долари) за информации кои ќе водат во идентификација на сите вклучени во заверата.
- 39 годишниот Мигел Урибе Турбај е десничарски ориентиран сенатор и влијателен член на опозициската партија Демократски центар, основана од поранешниот претседател Алваро Урибе (не се во крвно сродство). Тој е внук на поранешниот колумбиски претседател Хулио Сезар Турбај и син на новинарката Дијана Турбај, која беше убиена во 1991 година за време на неуспешна операција за спасување откако беше киднапирана од картелот Меделин на Пабло Ескобар.
- Десничарските кругови на социјалните медиуми потсетуваат дека пред Урибе, во Еквадор беше убиен десничарскиот кандидат, Фернандо Виљавиченсио, во Бразил, десничарот Болсонаро беше избоден со нож а во САД Трамп преживеа два обида за убиство.
