Вести › Набрзинка

Она што Заев, Димитров и 80-те слепци го засраа, дијаспората да го оправала

26 април 2022

Државната Агенција за иселеништво упати повик до сите иселенички организации да помогнат со укажувања и реакции во странство на правилната употреба на термините и одредниците согласно Преспанскиот договор.....
Се почесто се среќава употребата на: Северномакедонски јазик, Северномакедонска институција, Северномакедонец и т.н во официјални формулари, извештаи, статистики и други документи и изјави од клучни институции, кои се спротивни од Договорот и го нарушуваат националниот идентитет, забележува Агенцијата.
Своевремено МНР јавно се обврза дека ќе реагира секогаш кога ќе се увиди несоодветна употреба на термините. Дали реакциите на МНР изостанале или се нередовни или пак недоволни па мораше да се вклучи и Агенцијата?

извор

НАСА брза да изгради реактор на Месечината

5 август 2025

НАСА сака да ги претрка Русија и Кина и да изгради нуклеарен реактор на Месечината до крајот на оваа деценија.
„Мораме да дејствуваме брзо за да ја развиеме оваа критична технологија за поддршка на идната лунарна економија, за обезбедување извор на енергија на Марс и да ја засилиме нашата национална безбедност во вселената“, напишал во директивата шефот на НАСА, Шон Дафи.
За 30 дена ќе биде објавен лидер на мисијата, а за 60 дена ќе биде испратен повик до компании да конкурираат за проектот за изградба на генератор што би генерирал најмалку 100 киловати струја. Лансирање е планирано до крајот на 2029 година.
Процесот ќе биде забрзан со цел САД да ја завршат мисијата први. Кина и Русија во мај објавија партнерски проект за изградба на нуклеарен реактор на Месечината до средината на идната деценија.
„Ако тие го сторат тоа пред нас, може да прогласат забранета зона и да ограничат што ние можеме да направиме таму“, додава Дафи.

извор

Обама под истрага за местењето руски врски на Трамп

5 август 2025

Главната обвинителка Пам Бонди побара од федералните обвинители да почнат истрага за сомневањата дека поранешниот претседател Барак Обама фабрикувал разузнавачки докази за руско мешање во предизборната кампања на Доналд Трамп во 2016 година.
Сè уште не е објавено кога ќе се состане „големата порота“ за да ја спроведе истрагата. Се очекува процесот да почне по неколку месеци. Обама не е директно обвинет.
Директорката на националното разузнавање Тулси Габард во јули објави дека Обама и највисоки функционери од неговата администрација спроведувале „предавнички заговор“ против Трамп, кој на изборите во 2016 година ја победи тогашната противкандидатка Хилари Клинтон. Габард тврдеше дека Обама го злоупотребил разузнавачкиот апарат за политички цели.
Пред Обама да ја напушти функцијата, разузнавачката заедница на САД во јануари 2018 година објави извештај во кој беше заклучено дека Русија преку ширење лажни вести на социјални медиуми, хакирања и ангажирање ботови настојувала да ја оцрни Хилари Клинтон и да му помогне на Трамп. Ревизијата на извештајот покажа дека тоа не било точно. Не беа пронајдени никакви докази дека Русија се мешала во изборите.

извор