- Министерот за внатрешни работи најави крај на кошмарот со чекање документи кој го приреди неговиот претходник Оливер Спасовски.
- Тошковски ја потврди изјавата на премиерот Мицкоски кој рече дека „во рамки на законските 15 дена граѓаните можат да ги добијат патните исправи и другите лични документи“.
- Додуша, пред само два дена во Беко викаа дека за изработка на нова лична карта треба да се чека „месец - месец ипол.“
- Кина објави дека ќе проширува безвизниот влез за уште девет земји, меѓу кои и Македонија, во обид да ги поттикне туризмот и деловните патувања за да помогне во заживување на економијата.
- Од декември годинава, без виза во Кина ќе може да се престојува 30 дена. Само 38 пасоши од светот Кина ги пушта без виза.
- Интересно е што во листата за проширување на безвизниот режим е и Јапонија.
- Спикерот Африм Гаши повика обезбедување и прогласи 10-минутна пауза за да спречи ескалација на инцидентот меѓу Димитар Апасиев и пратеникот на ВМРО ДПМНЕ, Зоранчо Јованчев.
- Димче тврди дека Зоранчо го опцул па реагирал барајќи да не му го спомнуваат семејството.
- За малку ќе имаше пресметка и меѓу Борислав Крмов од Левица и пратеникот на ВМРО-ДПМНЕ, Александар Велјановски.
- Смирувачки е да се види како во пресрет на сè поблиска Трета светска војна, македонските народни избраници се на висина на задачата.
*****
*****
