- Охридскиот бизнисмен и советник на ДУИ, Нефи Усеини, и брат му Ибро, добија ослободителни пресуди за претепувањето на нивниот сограѓанин Спиро Топалоски.
- Судијката утврдила дека тој е претепан од нив, но во случајот нема оштетен бидејќи самиот Топалоски така се произнел.
- И покрај видео снимките како бега од нив, како го стигнуваат и тепаат, како и сведоците (кои исто така во меѓувреме ги смениле исказите) Топалоски останал на тврдењето дека повредите не му се од нив.
- Судскиот процес траеше две години во кои обвинетите беа на слобода, наспроти постоењето на мерката притвор која се одредува, меѓу другото, и за да не може обвинетите да влијаат врз сведоците.
- Деновиве медиуми јавија дека Усеини со боксови претепал друг сограѓанин, што му е четврти ваков случај во три години.
- Фајненшел тајмс пишува дека иранското водство разгледува начини како да го подигне влогот во конфликтот со САД доколку тоа биде потребно.
- Двајца инсаjдери од од иранскиот режим потврдиле дека иранските вооружени сили веќе ја процениле можноста за напад врз американски воени цели во земјите во југоисточна Европа, доколку Трамп се реши за заострување на односите.
- Една од нив е Бугарија која минатиот месец одобри користење на својата воздухопловна база Безмер за американски танкерски авиони.
- Втора потенцијална мета за одмазда е Кипар, каде седиште има британска воена база која во март беше цел на напад со беспилотни летала.
- Не ја погоди целта во американско-британската воената база Диего Гарсиа во Индискиот океан, но иранска ракета во февруари демонстрираше дека може да лета 4.000 километри.
- На оние што пешки или со точак шпартаат по шумски и планински патеки каде што нема интернет или достапен мобилен сигнал, апликацијата може да им биде доста корисна.
- Таа комбинира детални мапи, планирање рути, ГПС навигација и следење на активностите, додека ја прикажува моменталната позиција директно на мапата, и сето тоа може да работи офлајн.
- Планерот прави разлика помеѓу повеќе начини на патување, па за возење велосипед можете да изберете помеѓу туристичко, планинско и друмско возење, додека пешачките рути може да се прилагодат за да им се даде приоритет на планинарските патеки.
- За планираните рути се прикажуваат растојанието, проценетото времетраење и висинскиот профил, за да можете да процените колку е тешка избраната рута.
