„МИЗАР-Откровенија 1981-2021“ е прва монографија посветена на еден македонски рок состав, култниот македонски бенд Мизар.
Монографијата е изработена од Тошо Филиповски, татко, рокер и драгоцен архивар на македонската рок сцена.
Промоцијата е закажана за в недела (27.03.2022), со почеток во 20 часот, во кафе бар ГЛУВО КУЧЕ (во близина на владата, на аголот на улицата што води према стадион). Почетокот на настанот е од 18 часот, со музика од Мизар, и ќе трае до 24 часот.
Министерот за одбрана Израел Кац го одобри планот за окупација на градот Газа и за таа цел авторизираше мобилизација на околу 60.000 припадници на резервниот воен состав. Ќе бидат повикани да се јават на должност во септември.
Резервистите нема да бидат ангажирани во урбаните средини, туку ќе им чуваат отстапница на единиците од активниот состав што ќе ја спроведуваат воената операција. Со резервисти ќе бидат зајакнати и авијацијата, разузнавачките центри и логистичките мрежи.
Со оваа одлука Израел практично го отфрла новиот мировен предлог за прогласување 60-дневен прекин на огнот, во кој Хамас би ослободил израелски заложници.
Хамас вчера го прифати египетско-катарскиот предлог. Посредниците се оптимисти дека и Израел би можел да го прифати до петок.
Швајцарија ќе му гарантира имунитет на Владимир Путин ако дојде на мировни преговори со Володимир Зеленски во Женева, иако по рускиот претседател е распишана меѓународна потерница поради воени злосторства.
Согласно правилата на швајцарската влада, ако некое барано лице дојде на мировна конференција, ќе има имунитет. Тоа нема да важи ако дојде во приватна посета, објасни шефот на швајцарската дипломатија Игнацио Касис.
Иако уште не е потврдено дали воопшто ќе се одржи средба Путин-Зеленски, веќе се шпекулира каде би можел да се одржи самитот. Францускиот претседател Емануел Макрон спомна „некоја неутрална земја во Европа, можеби Швајцарија. Би сакал да е Женева“.
Извори на „Политико“ во Вашингтон изјавиле дека Тајната служба на САД веќе подготвува терен за самит во Будимпешта, на кој би можел да се придружи и претседателот Доналд Трамп. Путин наводно му рекол на Трамп дека би го пречекал Зеленски во Москва.
