Вести › Набрзинка

Мицкоски од Брисел: Не можеме повеќе да прифаќаме ултиматуми

19 септември 2024

На средбите со челниците на ЕУ премиерот Христијан Мицкоски потенцирал дека државата не може повеќе да прифаќа ултиматуми по принципот „тие се таму, вие сте надвор, ако сакате да бидете таму треба тоа да го прифатите“.
„Простете“, додава Мицкоски, “но ние такво нешто не можеме да прифатиме“.
Премиерот потсетува дека речиси две и пол децении од почетокот на интегративниот процес, по потпишувањето на Договорот за асоцијација и стабилизација, земјата е жртва на билатерализација на претпристапниот процес.

извор

Трамп бара милијарда долари отштета од ББЦ

11 ноември 2025

Американскиот претседател Доналд Трамп ѝ се закани на ББЦ дека ќе бара отштета од 1 милијарда долари поради грубото извртување на вистината во врска со сечената и лепената монтажа на неговиот говор од 6 јануари 2021 година, со цел да се прикаже дека тој повикува на напад врз Капитол хил.
Адвокатите на Трамп испратиле официјално писмо до ББЦ во кое бараат јавно извинување, „целосно и чесно“ повлекување на монтираната снимка и „соодветна“ отштета. „Во спротивно, претседателот нема да има избор, освен да го тужи британскиот јавен сервис поради предизвикување финансиска штета и повреда на репутацијата“, се наведува во писмото. ББЦ има рок да одговори на барањата до петок.
Директорот на ББЦ Тим Дејви и главната уредничка Дебора Тарнес поднесоа оставки, а претседателот на корпорацијата Самир Шах објави официјално извинување поради „погрешната проценка“ при монтирањето на говорот на Трамп. Шах најави и лично извинување до Трамп, но категорично тврди дека нема систематска пристрасност во ББЦ и дека новинарите не се корумпирани.
Во својот втор мандат Трамп им се закани на неколку американски медиуми со тужби за клевета. Тие ги решија споровите со вонсудски спогодби.

извор

Андоновски: Поштата наречена копнеж или за достапноста

10 ноември 2025

Достапноста ќе нè убие. Достапно ни е сè: ене цигари на трафикана за сите, ене го мобилниот со кој го слушам брат ми од Америка кога сакам (дури и гледам каде е во моментот и што прави). Достапни ми се сите брендови на патики и фармерки, онде се зад аголот, во „Сити мол“ или во „Ист гејт“.
Кога сè е достапно, се смалува копнежот по она што го посакуваш. Гасне желбата. А убавината на животот е во копнежот. Убавината е токму во одлагање на задоволството, во одлагање на задоволување на желбата.
Секое ИНСТАНТНО (one click) задоволување на желбите го уништува уживањето, кое доаѓа од чекањето. Да, иако звучи апсурдно, така е – колку подолго го чекаш она по што копнееш, толку посилно ќе биде задоволството кога ќе го добиеш. Ние веќе не знаеме ништо да цениме, по ништо да копнееме, дури и не знаеме што значи да „гориш од желба“ по нешто, зашто ДОСТАПНОСТА на сите нешта инстантно ни ги задоволува сите желби.

извор