- Илон Маск објави дека на Доналд Трамп му е дозволено да се врати назад, по краткотрајнатa анкета која ја направи на таа тема а чии резултати беа 52:48 во полза на враќање на Трамп.
- 134 милиони луѓе ја виделе анкетата, 15 милиони гласале.
- Претходно Маск тврдеше дека ниедна важна одлука, меѓу другото и за враќање на големите имиња, нема да биде донесена без одлука на Совет за модерирање содржина кој ќе вклучува најразлични перспективи
- На платформата ќе бидат вратени и Џордан Питерсон, сатиричарите „Бабилон Би“ но и Кејти Грифит, која беше банирана поради пародирање на Маск.
- Норвешката полиција синоќа го уапсила Мариус Борг Хојби, 29-годишниот син на принцезата Мете-Марит и посинок на принцот Хакон, поради нови обвинувања за нанесување телесни повреди, закани со нож и прекршување на забраната за движење.
- Поради новите обвиненија може да биде задржан во притвор четири недели.
- Хојби утре требаше да се појави на суд во врска со посебно обвинение од 38 точки за силување, семејно насилство, напад и поседување дрога. Му беше дозволено да се брани од слобода.
- Случајот беше отворен во 2024 година, откако полицијата го осомничи Хојби за физички напад врз жена со која бил во врска. Тој призна дека ѝ нанел телесни повреди на жената додека бил под дејство на кокаин и алкохол и дека го оштетил нејзиниот стан. Ги отфрла обвиненијата за силување.
- Исламската Република Иран сега ги смета за „терористички“ војските на сите членки на Европската Унија, како реципрочен одговор откако ЕУ ја прогласи иранската Револуционерна гарда за терористичка група.
- „Со обидот да ја нападнат Гардата, која всушност е најголемата пречка за ширење на тероризмот во Европа, Европејците пукаа во себе. Преку слепа послушност кон Американците, донесоа одлука против интересите на сопствениот народ“, изјави претседателот на парламентот, Мохамед Багер Калибаф, кој порано беше командант на Револуционерната гарда.
- Како симболичен протест, сите пратеници на седницата биле облечени во униформи на Гардата.
- Министерството за надворешни работи објави дека ова е „минималната контрамерка“ на Техеран. Биле разгледани низа мерки и на надлежните тела им биле испратени предлози за одговор на „незаконскиот, неразумен и многу погрешен потег на ЕУ“.
- Портпаролот Есмаил Багеи додаде дека се повикани на разговор сите амбасадори на ЕУ во Техеран.
