- Како дел од елаборатот за добивање дозвола за градење за инвеститорот Маркеза на плацот на улицата Питу Гули на Водно, фирмата „Геотехника-Нова“ прави „геомеханички теренски истраги и лабораториски испитувања“ на улица Петар Драпшин 19... во Кисела Вода.
- „Геотехника-Нова“ во документацијата наведува дека како дел од елаборатот на плацот на Маркеза на Питу Гули имаат ископано и три бунари со длабочина од 12 метри и пречник од еден метар.
- Такви дупки ниту постојат на плацот, ниту се почнати да се копаат, ниту некој се појавил да ги копа (машински, а уште помалку рачно), а инсистирањето на истото имплицира дека вработените на „Геотехника-Нова“ веројатно никогаш не ја посетиле локацијата, ниту го имаат погледнато теренот на кој таа се наоѓа.
- Овие и други пропусти во документацијата кои успева да ги открие адвокатката на жителите на улицата Питу Гули, Сузана Јошевска Анастасовска, без проблем ги минале сите механизми за давање дозвола од страна на службите на општина Центар.
- Хрватската полиција во Пула го уапси украинскиот нуркач Володимир Журавлев, кого германското судство го сомничи за кревање во воздух на гасоводот „Северен тек“ во 2022 година - додека работел на филм кој се занимава токму со таа саботажа.
- Се работи за холивудски политички трилер во режија на прославениот режисер Даг Лиман (The Bourne Identity, Mr. & Mrs. Smith, Edge of Tomorrow...), со Шон Пен и Адријан Броди, директно инспириран од експлозиите кои го уништија Северен тек а следи операција на тајна екипа украински нуркачи во исклучително опасна мисија.
- Журавлев бил ангажиран на снимањето на подводните сцени каде бил лоциран и уапсен.
- Ова е трет обид за негово приведување.
- Пред две години избегна апсење во Полска од каде со автомобил на украинскиот воен аташе бил префрлен во Украина.
- Една година подоцна повторно се појави во Полска, полицијата го приведе, но полскиот суд одби да го екстрадира во Германија со образложение дека уништувањето на руската енергетска инфраструктура е легитимна воена цел во воени околности. Но, налогот за апсење од сојузниот суд во Карлсуе остана на сила.
- Владо Таневски беше новинар и сериски убиец кој за убиствата на неколку жени пишувал хонорарни статии и репортажи. Заврши со мистериозно (само)убиство во кофа вода.
- Основното јавно обвинителство за гонење на организиран криминал и корупција не утврдило основи за сомнение дека е сторено кривично дело при јавните набавки поврзани со изградбата на 19 модуларни болници.
- Биле анализирани јавните набавки, техничките спецификации, договорите, проектната документација и релевантните законски прописи.
- По анализата на сите докази и извршените проверки, Обвинителството не утврдило факти што би укажале дека службено лице ја искористило или пречекорило службената положба и овластување, или не ја извршило службената должност со цел да прибави значителна имотна корист или да предизвика значителна штета.
