- Првата функција на Хил на Балканот е во 1995 кога како помошник на Ричард Холбрук работи на Дејтонските мировни преговори меѓу Босна и Србија. Потоа е амбасадор на САД во Македонија, а последна функција му е специјален пратеник за Косово.
- За време на ангажманот околу Косово, Хил ќе каже „бидејќи Србите не беа подготвени да го прекинат своето задушување на Косово, ние на крај ги бомбардиравме со НАТО“.
- Најновиот ангажман на Хил ќе биде амбасадор на САД во Србија. Минатата недела американскиот Сенат го потврди неговиот избор на оваа позиција.
- Руската нафтена компанија Лукоил потпиша договор со американската приватна инвестициска група Carlyle за продажба на своите средства во странство, од нафтени полиња во Ирак и Мексико, до рафинериите во Бугарија и Романија и мрежа на бензински пумпи.
- Договорот не е ексклузивен и не ги опфаќа уделите на Лукоил во нафтените полиња Карачаганак и Тенгиз во Казахстан и учеството во Каспискиот нафтовод низ кој се транспортира нафтата за извоз до руското пристаниште Новоросијск.
- Не е објавено колку ќе платат Американците. Во документи од 2023 година Лукоил ја наведе вредноста на својот меѓународен бизнис на 22 милијарди долари.
- Договорот мора да биде одобрен од Министерството за финансии на САД, кое поставува низа услови – пред сè префрлање на парите на сметка до која руската компанија нема да има пристап сè до укинувањето на санкциите за Москва. Министерството веќе поништи договор на Лукоил со швајцарската компанија Гунвор, која од администрацијата на Трамп беше оценета како „марионета на Кремљ“.
- Извори на Фајненшл тајмс тврдат дека Carlyle ги задоволува сите услови. „Ќе се стремиме кон оперативен континуитет, зачувување на работните места, стабилизирање на базата на средства и поддршка на безбедни и сигурни перформанси низ целото портфолио“, објави Carlyle.
