Вести › Набрзинка

Колку холандски ви звучи името Клодијан Алабеу?

20 јуни 2023

Македонските медиуми објавија дека холандскиот фонд Balkan Alliance Health ја купува болницата на Жан Митрев, која се најде во контроверзи и судски процеси по репортажата на ИРЛ.
Фондот се среќава во еден неодамнешен текст на Вокс со наслов: „Маневрите на Алајбеу: Тој ја купува сопствената болница за 24 милиони евра, не е ли време да започне истрага за перење пари?“
Се вели дека бизнисменот Клодијан Алајбеу ќе биде новиот сопственик на Американската болница (во Тирана). Аквизицијата ќе се изврши преку стекнување контрола на единствениот акционер на Американската болница, холдинг-компанијата регистрирана во Холандија, Balkan Alliance Healthcare BV.
Американската болница беше првата приватна болница во Албанија, основана во 2006 година, токму од Клодијан Алајбеу, во партнерство со две турски компании. Во 2008 година, компанијата беше купена од Balkan Alliance Healthcare BV...
На Твитер веќе има и други патокази:

извор

Ако Трамп удри врз цивилни цели во Иран, ќе остане без уште поважен проток

16 јули 2026

Техеран побарал од бунтовничките хути во Јемен да бидат спремни да го блокираат протекот Баб-ел-Мандеб, ако САД ги интензивираат нападите врз Иран со бомбардирање енергетски централи и мостови.

Проиранските бунтовници веќе распоредиле ракети и дронови на висорамнините кон протокот што ги поврзува Црвено Море и Аденскиот Залив. Воспоставиле контакти со милитантната група Ал Шабаб во Сомалија за да ги контролираат двата брега.
На најтесното место, Баб-ел-Мандет е широк 26 километри. За споредба, Ормускиот проток е широк 39 километри. Двете тесни грла никогаш не биле блокирани во исто време. При таква состојба се прекинува скратениот морскиот пат од Азија до Медитеранот преку Суецкиот канал. Бродовите мора да пловат околу Африка, што го продолжува транспортот за две недели.

Целосно би бил отсечен транспортот на саудиска нафта за пазарите во Азија. Низ Баб-ел-Мандеб поминува 10% до 12% од глобалната трговија со бродови, не само на нафтата.
Саудиска Арабија во понеделникот веќе отвори нов фронт во Јемен – ја ракетираше пистата на аеродромот во главниот град Сана, за да спречи слетување на ирански авион. Хутите возвратија со ракети кон Саудиска Арабија. Двете земји водеа десетгодишна војна, во која загинаа 377.000 луѓе, но главно го почитуваат примирјето склучено во март 2022 година.

извор

Немаат крај испрашувањата на Павел Дуров од Телеграм

16 јули 2026

Феранцуските истражни органи цели шест часа го испрашувале основачот на платформата Телеграм во последниот, четврти по ред пат.
Неговиот правен тим потсетува дека случајот трае цели две години и сè уште не произвел некој доказ со кој би се поткрепиле обвиненијата.
Франција не го гони Дуров за нешто што напишал или објавил туку за соучество во дела што други луѓе ги сториле на Телеграм. Тоест што биле објавени на таа платформа.
Обвиненијата се поврзуваат со слаба модерација и неподготвеност да се предадат кориснички податоци, нешто заради кое тој и ја напушти својата матична земја, Русија.
Главно живее во Дубаи, освен кога ќе го извикаат да се јави на информативен разговор во Франција.

извор