- Во официјален документот на кинески воени научници се наведува дека Кина мора да има способност да ги урне Старлинк сателитите ако тие станат закана за националната безбедност.
- Научниците бараат кина да развие анти-сателитски системи, кои би можеле да го откриваат и мониторираат секој еден сателит на Старлинк.
- Нивната препорака е да се има капацитети и за директно уништување на поедини сателити и за разбивање на мрежата на Старлинк.
- Освен цивилна употреба, за интернет секаде низ светот, Старлинк потпиша договор со Пентагон за развивање на технологија која ќе може да открива и следи хиперсонични оружја низ светот.
- Унгарскиот премиер Виктор Орбан побара итно отворање истрага за да се утврди кој го прислушувал шефот на дипломатијата Петер Сијарто.
- „Постојат докази дека унгарскиот министер за надворешни работи бил прислушкуван, а имаме и индикации кој може да стои зад тоа. Ова мора веднаш да се истражи“, напиша Орбан.
- Порталот „Мандинер“ објави аудио снимка од новинарот Саболч Пањи, кој изјавил дека на странски агенти им дал два телефонски броеви на Сијарто, со што овозможил да се следат неговите разговори. Пањи го потврдил разговорот. Објаснил дека сакал да спореди информации од безбедносна служба на членка на ЕУ за истражувачката тема дека Сијарто ѝ давал доверливи информации на Русија.
- „Мандинер“ додава дека Пањи е новинар во Direkt36 и пишува за варшавскиот портал Vsquare.org, кои се финансирани од САД, со учество на агенцијата за меѓународна помош УСАИД и Фондацијата Отворено општество на Џорс Сорос.
- Вашингтон пост, повикувајќи се на европски безбедносен извор, во саботата објави дека Сијарто со години и редовно на паузите од состаноците на ЕУ му се јавувал на својот руски колега Сергеј Лавров за да го информира итно за дискусиите. Сијарто го отфрли извештајот како лажна вест.
- САД и Иран воделе „многу добри и продуктивни разговори во врска со целосно и целосно решавање на непријателствата“ на Блискиот Исток“, објави американскиот претседател Трамп објави на својот профил на Truth Social. Тој не објасни кога почнале преговорите, во каков формат се и кој посредува, но додаде дека ќе продолжат.
- Веднаш по објавата цената на нафтата падна од 110 долари на под 100.
- Иранското министерство за надворешни работи негира дека преговара со САД. „Исламската Република останува на својата позиција за отфрлање на секаков вид преговори пред да се постигнат целите на Иран“, соопшти Министерството.
- Трамп во соопштението додава дека му наложил на Пентагон во следните пет дена да ги откаже сите напади врз иранските електрани и енергетска инфраструктура. Во саботата му даде рок од 48 часа на Техеран да го деблокира Ормускиот проток.
- Непосредно пред објавата на Трамп, Оман објави дека „интензивно работи на обезбедување аранжман за безбедно преминување на Ормускиот проток.
- „Каков и да е вашиот став за Иран, тие не ја почнаа оваа војна. Ова веќе предизвикува широко распространети економски проблеми и се плашам дека многу ќе се влошат многу ако војната продолжи, изјави министерот за надворешни работи на Оман, Бадр ал Бусаиди.
