Вести › Набрзинка

Игор Дурловски зад решетки пред Собранието

27 април 2022

Оперскиот пејач Игор Дурловски денеска во паркот „Жена Борец“, карши Собранието на Македонија, со перформанс ја одбележа 5-годишнината од 27-ми април. Дурловски беше сместен зад решетки и со трака преку устата од каде порача дека „Молчењето е злото“.
На денешен ден во 2017 година, протест пред Собранието кој протекуваше сосема вообичаено, ескалираше во моментот кога се избираше претседател на Собранието а по отворање на вратите толпата се проби низ полицискиот коридор и настанаа немили сцени.
„Се држиме, се крепиме колку можеме во таква средина што сме. Ама боли другари, боли кога гледаме дека сме оставени сами... пет години!“ напиша од затвор Јане Ченто, еден од драконски казнетите лица од страна на судијката Добрила Кацарска која брзо после тој случај беше промовирана во претседателка на Уставниот суд.

извор

Никола Димитров и македонското искуство за „пократок пат до ЕУ“

18 октомври 2026

„Би сакал нашето искуство некому да му помогне да најдат пократок и подобар пат“, им порачува Никола Димитров на надлежните во Загреб и Подгорица кои се најдоа во клинч околу пристапувањето на Црна Гора во ЕУ.
„Знам колку е тешко да се постигне компромис што задира во најчувствителните прашања, а потоа и тој да се брани пред сопствените граѓани. Во истиот град – понекогаш дури и во истиот ден – за едни сте човекот што направил чудо (еве уште не можеме да се изначудиме -н.з.) зачувувајќи го она што е најважно – македонскиот идентитет – додека за други сте некој што отишол предалеку“.
Потписникот на Преспански успева да забележи дека откако ветувањата за во ЕУ се изјаловија, „луѓето почнуваат да се прашуваат дали направиле грешка што верувале во договорот“.

извор

Бездомник го навредил Ердоган за да преспие во затвор

17 октомври 2026

Бездомник од турскиот град Аланија пред суд признал дека намерно го навредил претседателот Реџеп Таип Ердоган, со цел да биде приведен и да добие храна и кревет во затвор.
„Немам каде да престојувам, спијам по депонии“, изјавил 66-годишниот маж на првото појавување пред суд. Признал и дека претходно три пати намерно го навредувал Ердоган, но не го задржале во притвор.
Според Членот 299 од Кривичниот законик на Турција, за навредување на претседателот е предвидена казна од една до четири години затвор.
Иако овој член постои со децении, неговата примена значително се зголеми откако Турција во 2018 година премина кон претседателски систем.
Во периодот од 2016 до крајот на 2025 година, обвинителите отвориле речиси 83.000 предмети за делата навредување на претседателот, знамето и државните симболи, турската нација и државните институции.

извор