Вести › Набрзинка

И ние Калигула за давање ордени имаме

24 септември 2023

Претседателот Стево Пендаровски, во рамки на учеството на Генералното собрание на ОН, вчера попладне во Њујорк ја одликуваше Организацијата на Обединетите Нации со Орден на Република Македонија.
Пендаровски се сретнал со генералниот секретар на ОН, Антонио Гутереш при што разговарале и за улогата на организацијата во справувањето со глобалните предизвици.
"Каков дебакл. Џабе потрошени толку пари во Њујорк, а да не си ја одбраниш земјата пред цел свет и да повикаш на почитување на меѓународниот суд за човекови права и почитување на основните човекови права пред сите лидери", прокоментира Тино Николоски.
Пендаровски со орден го одликувал и директорот на Боинг.
Комплетно детачиран од реалноста, римскиот император Калигула своевремено му објави војна на морето и потоа прогласи победа над богот Нептун, по што ги славеше плодовите од победата (ковчези безвредни школки и морски ѕвезди) и ги одликуваше воините заслужни за победата.
Кога сме кај кловнови, на стотици илјади загинати Украинци, Зеленски во ОН виде шанса да проговори за големата опасност од климатските промени.

извор

Трамп ги натера Пакистан и Индија на смир-смир

10 мај 2025

Американскиот претседател Доналд Трамп објави дека Индија и Пакистан се договориле за „целосен и непосреден“ прекин на огнот.
„По долга ноќ на преговори со посредство на Соединетите Држави, со задоволство можам да објавам дека Индија и Пакистан се согласија на преки, целосен и веднаш. Им честитам на двете земји за нивниот здрав разум и големата интелигенција. Ви благодариме за вниманието!“ напиша Трамп на Truth.
Додаде дека тој и американскиот потпретседател Џеј-Ди Венс ги поминале последните 48 часа во разговори со високи функционери од двете земји, вклучувајќи ги и премиерите на Индија и Пакистан – Нарендра Моди и Шехбаз Шариф.

извор

Ќе ја направат ли Индија и Пакистан „големата“?

10 мај 2025

Пакистан тргна во одмазничка акција за неодамнешниот индиски напад на девет локации на нивна територија кој пак Њу Делхи го објасни како реакција на претходно убивање на 25 Индијци и еден Непалец.
Индија објави дека биле нападнати неколку нивни воени бази а Пакистан соопшти дека погодиле повеќе цели во Индија и нејзиниот дел на спорниот Кашмир.
Експлозии биле слушнати во индиските Шринагур и Џаму, населението е повикано да остане дома а воздушниот простор во Пакистан е затворен.
Премиерот Шехбаз Шариф го свикал и националното тело за надзор на нуклеарниот аресенал.
Операцијата на Индија се викаше Синдор (онаа црвена точка на женските чела) а возвратната на Пакистан е наречена Бунјанун марсос (بنيان مرصوص: Непробоен ѕид).