Вести › Набрзинка

Германија конечно дозволи двојно државјанство

20 јануари 2024

Германскиот парламент го усвои законот кој стапува на сила во април а со кој се либерализираат условите за државјанство.
Дражавата ќе дозволи дупли пасоши (до сега нашите и другите мораа да се откажат од македонското за да добијат германско), а наместо осум, ќе бидат доволни и пет години легален престој (во некои случаи и само три години).
Нема да мора да се полага ни јазичен тест, доволно ќе биде разбирање на германски.
Меѓу 12 милиони ауслендери во Германија, 5,3 милиони се таму преку десет години. Често не се решавале за германски пасош за да не станат странци во својата татковина.
Досега, право на двоен пасош им се дозволуваше само на луѓе од земји како Грција, Иран или Мароко, кои не дозволуваат откажување од државјанство.

29 јуни 2026

Втора година по ред, на врвот на листата на даночни должници во Хрватска е претприемачката од Риека, Гордана Добријевиќ, обвинета од државата за царински прекршоци и затајување акцизи и даноци во износ од 69,9 милиони евра.
Исто така втора година по ред, на врвот на листата на компании со најголем долг кон државата е нејзината D.M.G.S. Trade Desk, со долг од 38,9 милиони евра.
Државата бара уште 39,8 милиони евра од Мара Добријевиќ, мајката на Гордана, така што вкупното побарување на државата од семејството изнесува 147,7 милиони евра.
По барање на министерството за финансии, отворен е стечај за компанијата која се товари за вкупен долг од 333,9 милиони евра.

29 јуни 2026

Иран и САД се согласија да ги запрат последните судири во Персискиот Залив и да ги продолжат разговорите за спорот околу Ормускиот теснец.
„Договорено е да се продолжат техничките преговори за сите делови од меморандумот за разбирање. Двете страни засега ќе се повлечат, а бродовите можат слободно да се движат“, рекол американски функционер.
Ирански проектил имаше погодено товарен брод во теснецот па Трамп се закани дека ќе го снема Иран па овие нападнаа американски бази во Бахреин и Кувајт.
Примирјето фактички не важи за Израел кој уништи уште едно село во Либан тврдејќи дека под него се наоѓала инфраструктура за Хезболах.