- Највисокиот американски генерал бара стратегија за излез од војната со Иран откако заклучил дека воздушните напади сами по себе не се успешни, а понатамошна ескалација би водела кон уште потешки последици.
- Ден Кејн, шефот на Здружениот Генералштаб на воените сили, ги предупредил потпретседателот Џеј Ди Венс, државниот секретар Марко Рубио и директорот на ЦИА, Џон Ретклиф за ограничувањата на воените активности на САД во Иран, според извори на ЦНН.
- „Мислам дека тоа е само неговиот начин да ја заштити војската“, изјавил еден од изворите.
- Еден од клучните проблеми за продолжување на воздушните напади потрошената залиха од муниција. Ројтерс неодамна објави дека американските сили ги потрошиле „речиси сите“ свои наведувани ракети од типовите ATACMS и PrSM во војната со Иран, како и половина од арсеналот на крстосувачки проектили Томахавк.
- Единствената алтернатива на воздушните операции е крајно ризична: масовно распоредување копнени трупи на иранска територија околу Ормускиот проток. Според изворите на ЦНН, Пентагон разгледува и таква опција, но никој не ја поддржува, бидејќи при копнена инвазија и окупација би биле загрозени животите на илјадници американски војници.
- Шпанската влада најави дека од денеска на полноќ ќе воведе гранични контроли за патници од Италија што доаѓаат со авиони или бродови. Двете земји немаат копнена граница.
- Мерката ќе важи до 7 септември, како реципрочен одговор на одлуката на Рим од пред една недела да воведе гранични патроли за лица што доаѓаат од Шпанија, откако 80.000 мигранти од Мароко упаднаа во шпанската енклава Сеута.
- Граничните проверки на Италија не важат за шпански државјани, туку за лица што не се од Европската Унија, а доаѓаат од Шпанија. Контролите ќе продолжат барем до 15 август, за кога се очекува нов бран мигранти кон Сеута. Одлуката ќе биде преиспитана само ако се утврди дека нема безбедносни ризици ниту нов бран мигранти.
- И Шпанија и Италија се во Шенгенската зона на слободно движење на патници, но привремените гранични контроли не се невообичаени. Италија, на пример, спроведува контроли на границата со Словенија.
- Германската енергетска компанија RWE го откажа проектот за ветерни електрани на море покрај брегот на Калифорнија и Њујорк откако постигна договор со Министерството за внатрешни работи за исплата на 1,2 милијарди долари.
- Од оваа сума, 900 милиони долари ќе бидат пренасочени во инвестиција за изградба на терминал за извоз на течен природен гас во Луизијана.
- „По внимателно разгледување, заклучивме дека не постои начин да добиеме дозволи за проектите за ветерници во САД во догледна иднина“, соопшти компанијата. Долгорочниот план на RWE е да инвестира 19,6 милијарди долари во енергетски проекти во САД во текот на следните шест години.
- „Американците заслужуваат енергетски систем заснован на здрав разум, а не систем што зависи од скапи субвенции“, објави Министерот за внатрешни работи на САД, Даг Бургум.
- Во март годинава Министерството постигна сличен договор со француската компанија TotalEnergies да пренамени инвестиција од ветерни електрани на море кон постројка за течен природен гас во Тексас и црпење нафта во Мексиканскиот Залив.
