Вести › Набрзинка

F A M I G L I A

22 септември 2023

Зетот на Али Ахмети бил партнер со бизнисмен кој успеал за 24.000 евра да купи 65% од фирма со обезбедени државни тендери од 112 милиони евра.
Куштрим Смајлај, на почетокот на 2022 година направил заедничка фирма со бизнисменот Ерџан Сулкоски и веќе во првата година направиле обрт од 12 милиони евра и профит од околу 2,5 милиони евра.
Во истата 2022 година Сулкоски влегол во уште еден бизнис. За 24.000 евра добил 65% од компанијата РКМ, која во тој момент имаше гарантиран бизнис од 112 милиони евра за набавка на мазут за потребите на државните Електрани.
Ахмети вика дека зет му сигурно е и со многу други компании, ама не е така: единствен компањон досега му бил Ерџан Сулкоски кој во август годинава му продал својот удел за само 2.500 евра.

извор

Кина бара светска организација за ВИ

26 јули 2025

Кинескиот премиер Ли Чијан предлага создавање глобална организација за соработка, координација и безбедност на развојот на вештачката интелигенција. На отворањето на Светската конференција за ВИ во Шангај, Ли ја опиша вештачката интелигенција како „нов мотор за развој“, но забележа дека секоја земја има сопствени регулативи.
„Глобалното управување со ВИ е фрагментирано. Има големи разлики во концептите за регулација и правилата. Мора да ја засилиме координацијата и да формираме глобална рамка за управување со ВИ“, изјави Ли.
Без да ги спомне САД и нивната забрана за извоз на најсовремени чипови во Кина, Ли предупреди дека ВИ може да биде „ексклузивна игра“ за неколку големи земји и компании.
На годишната конференција во Шангај, спонзорирана од кинеските власти, учествуваат истакнати експерти и лидери од светот. Меѓу говорниците се Џефри Хинтон, познат како „Кумот на ВИ“ и поранешниот директор на Гугл, Ерик Шмит. Досега редовно учествуваше и Илон Маск, но годинава нема да се обрати.
Повеќе од 800 светски компании ќе претстават 3.000 хај-тек производи, 40 големи јазични модели, 50 уреди со ВИ и 60 роботи.

извор

Трамп: Ужасна инвазија од мигранти ја убива Европа

26 јули 2025

Американскиот претседател Доналд Трамп ја повика Европа да дејствува заеднички против илегалната миграција.
„Ужасната инвазија мора да запре. Подобро дејствувајте заедно или повеќе нема да ја имате Европа“, изјави Трамп во Глазгов на почетокот на четиридневна посета на Шкотска.

„Мора да ја запрете оваа ужасна инвазија што се случува во многу земји во Европа. Некои лидери не дозволија тоа да се случи и не добиваат соодветна заслуга... Можам да ви ги именувам веднаш, но нема да ги засрамам другите. Но, запрете, оваа имиграција ја убива Европа, додаде Трамп.
Тој го истакна примерот на САД, откако спроведе низа мерки за запирање на мигрантскиот бран. „Минатиот месец никој не влезе во нашата земја“.
Британскиот премиер трпи голем притисок од јавноста да се справи со нелегалната миграција. До средината на јули до брегот на Британија преку Ламанш пристигнале 22.000 мали чамци со мигранти што е 50% повеќе во споредба со лани.
Трамп ќе ги посети своите терени за голф во Шкотска, ќе се сретне со премиерот Стармер и со претседателката на Европската комисија Урсула фон дер Лејен.

извор