- Индиската авио-компанија ИндиГо нарача 500 авиони од Ербас, кои им се неопходни за планираното ширење.
- Испораката на авионите треба да се случи меѓу 2030 и 2035, а нарачката најверојатно е составена од помалите А320нео и поголемите А321нео.
- Оваа нарачка го надминува рекордот од февруари годинава, кога Ер Индија нарача вкупно 470 авиони од Ербас и Боинг.
- На ИндиГо моментално отпаѓаат над 60% од авионскиот сообраќај во земјата.
- Индија е најбрзо растечкиот пазар за цивилни летови тренд кој се предвидува дека ќе продолжи и во следните години, кога се очекува дека „индиската средна класа ќе го открие патувањето со авион.“
- Љупчо Пецов – Ѓаволот беше обвинет во предметот „Синџир“, кој се однесува на финансиски криминал, даночни измами и даночно затајување.
- Во предметот се опфатени 26 лица и 28 компании, а сомнежите се дека преку мрежа од фиктивни фактури со ДДВ бил оштетен државниот буџет за околу 8 милиони евра.
- Откако ја признал вината, добил условна казна од две години затвор, 8.000 евра парична казна и десетгодишна забрана за управување со правни лица. Освен забраната да биде основач или управител на правно лице, Пецов во следните 10 години не смее ниту да управува или располага со неговиот имот.
- Судот го одбил како неоснован посебниот предлог на Обвинителството за одземање 3 автомобили – „фолксваген голф VI GTI“, БМВ од 2018 година и „фолксваген голф“ од 2020 година.
- Поништувањето на Брегзит треба да биде темел на новиот десетгодишен план на Лабуристичката партија, препорача Институтот „Тони Блер“ на поранешниот британски премиер.
- Во документот, претставен пред конференцијата на лабуристите в недела, од актуелниот премиер Енди Барнам се бара „веднаш да ги напушти црвените линии за слободата на движење, единствениот пазар и царинската унија“ и да овозможи „модерен однос“ со Унијата.
- „Треба јасно да кажеме дека сакаме да се вратиме во формален однос со ЕУ. Но, тоа мора да биде Европа на кредибилен пат кон реформи, Европа на национални држави, Европа способна да биде вистинска глобална сила“, пишува Блер во предговорот на документот.
- Институтот за истражување на јавни политики пресмета дека Британија пропушта трговија во вредност до 6,5 милијарди фунти годишно поради договорот за раздружување од ЕУ што го постигна Борис Џонсон. Најтешко е погодена автомобилската индустрија, која можела да заработи 3,42 милијарди фунти годишно повеќе.
