- Министрите за одбрана и надворешни работи на САД добиле укор од Бајден малку да се стишат, откако јавно изјавиле дека Америка сака Украина да победи и да ја ослабе Русија.
- Двајцата министри само што полетале на одделни авиони од Полска по нивната посета во април, добиле конференциски повик од американскиот претседател за да поразговараат околу насловите што излегле од нивните изјави, и за да им каже дека претерале.
- „Незадоволството што Бајден првично го пренел во телефонскиот разговор, го одразувало верувањето на неговата администрација дека и покрај првичните успеси на украинските сили, војната со тек на време ќе се сврти во правецот во кој се наоѓа денес: одолговлечен конфликт со мало и константно напредување на Русија,“ пишува Ен-би-си.
- Хрватска и Босна се меѓу 25-те земји кои престанаа со испраќање стока во САД поради неизвесност откако администрацијата на Трамп го укина третманот „de minimis“.
- Тој третман дозволуваше пратки во вредност до 800 долари да се испраќаат со минимална документација.
- Меѓу земјите се Австралија, Норвешка, Швајцарија, како и германски ДХЛ кој објави привремено суспендирање на повеќето испораки до Америка.
- Слободни ќе бидат само пратки што содржат писмени комуникации и „подароци“ испратени од приватни лица до приватни лица, до вкупна вредност од 100 долари.
- Европска комисија предложи укинување на царините за увоз на американска индустриска стока во замена за намалени американски царини за европски автомобили.
- Ова е првиот чекор на ЕУ во спроведувањето на рамковниот договор помеѓу Доналд Трамп и Урсула фон дер Лајен, со кој Брисел прифати општа царинска стапка од 15% за да избегне трговска војна.
- Станува збор за асиметричен договор, зашто од Брисел се бара да ги намали своите царини и да купува повеќе енергеси од САД, додека Вашингтон ги задржува царините за 70% од извозот на ЕУ.
- Повеќето влади на ЕУ го прифатија договорот како нужно зло, имајќи предвид дека Трамп претходно се закануваше со 30%.
