- Македонија преку 10 години го бара со потерница поранешниот директор на Македонски телеком а Гугл покажува дека тој директорува со консултантска фирма од Унгарија.
- Од 2011 до 2016 година не се одржало ниту едно рочиште.
- Вкупно досега биле закажани 56 рочишта од кои преку половината откажани.
- На случајот се смениле тројца судии и тројца обцвинителите.
- Во аферата лебди и сводечењето на поранешниот разузнувач Слободан Богоевски пред њујоршкиот суд дека тројца македонски политичари биле подмитени со 7,5 милиони евра за да не дозволат либерализација на пазарот
- Поранешниот претседател на Харвард и некогашен секретар за финансии, Лери Самерс, поднесе оставка од академските и други обврски на универзитетот.
- Самерс поднесе оставка и како ко-директор на Центарот за бизнис Мосавар-Рахмани. Според портпаролот на Харвард, оставката е поднесена „во врска со тековното разгледување од страна на Универзитетот на документите поврзани со Џефри Епстин“.
- Нивните контакти биле особено интензивно кога Самерс беше прв човек на Харвард (2001 - 2006), но продолжиле и откако Епстин бше осуден за педофилија.
- Епстин за Харвард има донирано околу 9 милиони долари, а Самерс го има посетувано неговиот озлогласен остров и во најмалку четири наврати летано со неговиот приватен авион.
- Кубанска крајбрежна патрола спречила десант на група Кубанци од егзил, кои со глисер полн со оружје и експлозив впловиле во водите на островската земја. Во престрелката една милја од брегот биле убиени четворица од напаѓачите, а шестмина биле ранети. Приведен е мажот што требало да ги пречека.
- Министерството за внатрешни работи соопшти дека групата била составена од антивладини Кубанци, од кои некои претходно биле барани поради планирање напади. Тие носеле автоматски пушки со телескопски нишани, пиштоли, експлозиви и панцири. Глисерот бил регистриран во Флорида. По првичните сослушувања на притворените, тие имале намера да извршат „инфилтрација заради терористички цели“.
- Американскиот државен секретар Марко Рубио изјави дека инцидентот не е операција на американските сили и дека Вашингтон ќе спроведе независна истрага.
- САД пред неколку недели ги блокираа сите испораки на нафта до Куба, зголемувајќи го притисокот врз владата во Хавана, но и врз сите Кубанци. Градовите секојдневно спроведуваат рестрикции на струја, а ѓубрето се таложи по улици зашто нема бензин за камионите од комуналната хигиена.
