- „Во четврток ќе го потпишеме договорот со избраната компанија и ќе започнеме со работа со „Бехтел Енка“ за Коридорот 8 , автопат со три ленти со кој ќе ја поврземе нашата држава со Албанија“, рече Артан Груби пред следбеници на ДУИ во Врапчиште.
- Од сите капитални инвестиции, од општиот буџет од 800 милиони евра, 300 милиони наменети се само за овој проект.
- „Дали некогаш сме биле помоќни во Владата? Никогаш!“, истакна Груби.
- Српскиот претседател ја повика опозицијата да собере потписи за организирање советодавен референдум дали тој или тие ја имаат довербата на народот. Треба да предадат 67 потписи а имаат 80.
- Вучиќ вели дека ако веруваат во последната анкета дека тој веќе не ја ужива довербата, да ја прифатат неговата понуда или да престанат да глумат дека им најбитно мислењето на граѓаните.
- Медиуми дознаваат дека Вучиќ нема да чека потег на опозицијата туку преку Ана Брнабиќ која ќе достави потписи, самите ќе побараат референдум.
- Во меѓувреме, на студентските блокади се случија неколку инциденти во кои студенти биле нападнати од непознати лица.
- Поранешната министерка за внатрешни работи, Гордана Јанкулоска не е виновна во случајот Тврдина, случај кој се однесува на уништување на опремата со која масовно се прислушуваа илјадници граѓани, пресуди Основниот кривичен суд Скопје.
- На поранешниот директор на Управата за безбедност и контраразузнавање, Сашо Мијалков му застаре делото, а поранешните разузнавачи Горан Грујевски и Никола Бошкоски кои избегаа од Македонија во Грција се осудени на 14 односно на девет години и десет месеци затвор.
- На затворска казна од три години е осуден и поранешниот шеф на кабинетот на Мијалков, Тони Јакимовски, Валентина Симоновска доби условна казна затвор.
- Задоволни сме од пресудата, чекаме Апелација да ја потврди и се надеваме дека ако не во кривична постапка, тогаш во граѓанска постапка ќе се утврди кој го вршел прислушкувањето и да се надомести нематеријалната штета која што Гордана Јанкулоска ја има претрпено како една од најголемите жртви на прислушкувањето, изјави нејзиниот сопруг и правен бранител, Влатко Илиевски.
