Вести › Набрзинка

Америка ги суспендираше програмите за странска помош

25 јануари 2025

Си исклучок на помошта за Израел и Египет, американскиот државен секретар Марко Рубио издаде директива со која се суспендираат сите постоечки програми за странска помош за период од три месеци.
Паузирањето важи и за помошта за Украина.
Во назначениот период, сите тековни грантови замрзнуваат а нови ќе нема.

26 јануари 2025

Бројни Хрвати и онака често одат на шопинг во соседна Словенија, но, во петокот, кога кај нив беше организиран бојкот на продавници, трговски синџири, угостителски објекти и бензиски станици заради високите цени, баш навалиле.
Особена гужва била во словенечко Брежице, на 40 километри од Загреб каде паркинзите околу трговските центри биле преполни со автомобили со хрватски таблички.
„Често доаѓам овде и ваква гужва не е вообичаена. Тоа сигурно е резултат на бојкотот и на тоа што овде навистина можат да се најдат работи по поповолни цени,“ рекол купувач за новинарите на Јутарњи.
Хрватската управа за јавни приходи забележа речиси преполовен промет во хрватските дуќани а за следниот петок се најавува нов бојкот.

26 јануари 2025

Американскиот претседател сака Јордан и Египет да ги земат на своја територија Палестинците од Газа додека се расчистува „сиот тој неред“во појасот.
Тоа би било „привремено или долгорочно“.
Од почетокот на војната таму, овие две земји го предводеа арапскиот отпор кон идејата за какво било присилно пренесување на Палестинците од Газа.
Трамп телефонски се слушнал со јорданскиот крал Абдула во чија земја веќе има околу 3 милиони Палестинци. „Му реков, би сакал да земеш повеќе, бидејќи го гледам целиот појас Газа и тоа е вистински хаос“.
Трамп кој своето богатство го направи градејќи хотели, неодамна залупа дека Газа има голем потенцијал и е убаво место бидејќи е на море.