Вести › Набрзинка

Ако не знаете што е следно, следете во што инвестира Фајзер

15 јануари 2024

Американскиот производител на позната МРНК вакцина против Ковид, вложува милијарди за третмани за можна пандемија за срцева инсуфициенција.
Фармацевтскиот гигант во последно време купи неколку компании, меѓу кои и големата Арена Фарма за 6,7 милијарди долари. Таа е специјализирана за третмани за воспаление на срцето, како што е миокардитис и перикардитис.
Научници велат дека новите соеви на коронавирус како што е JN.1 го зголемуваат ризикот од срцеви проблеми.

„Фајзер и Агенцијата четири месеци ја задржувале информацијата дека вакцините прават проблеми со срцето кај млади, додека истовремено со жестока кампања убедија уште илјадници млади да се вакцинираат“, наведе Наоми Волф во Најголемиот криминал против човештвото во историјата.

извор

САД кратат воена помош за Македонија

16 септември 2026

Администрацијата на Трамп ќе скрати воена помош за Македонија, Словачка, Тунис и Ирак во вкупна вредност од 52 милиони долари и ќе ги пренамени за Панама, Перу, Еквадор и Колумбија.
Военото финансирање Македонија и на другите три земји нема целосно да биде укинато, но не е познато за колку ќе биде скратено.
„Средствата ќе се користат за борба против нарко-тероризмот во нашето непосредно опкружување и за помош во натамошното обезбедување на Панамскиот Канал“, соопшти Стејт департментот.
Државниот секретар Марко Рубио минатата недела ги посети Колумбија, Еквадор и Перу и им вети дополнителна поддршка. САД веќе најавија префрлање на приоритетите кон Западната хемисфера.

извор

Нереди во Хаг по пресудата за Тачи

16 септември 2026

Стотици следбеници на Хашим Тачи го нападнаа Хашкиот трибунал и се судрија со полицијата, откако поранешниот лидер на ОВК беше осуден на 25 години затвор поради воени злосторства.

На плоштадот „Маливелд“ во Хаг полицијата била нападната со стапови и цигли, на што одговорила со бибер-спреј и солзавец.

Интервенирале и специјалните полициски сили, кои приведувале насилни демонстранти.

Тачи е прогласен за виновен за 4 од десетте точки од обвинението за воени злосторства: за произволно лишување од слобода, за мачење, за сурово постапување и за убиства на 96 луѓе. За воени злосторства се осудени и неговите соработници Јакуп Красниќи (25 години затвор), Кадри Весели (18 години) и Реџеп Селими (13 години).

извор