БАЛКАНСКА ЕЛИТА НА КУП! БАКА ПРАСЕ НА ГОСТИ КАЈ МОНО АЛЕКС, ЛУКСУЗНО ДРУЖЕЊЕ КОЕ СИТЕ ГО КОМЕНТИРААТ!

Текстот во рубриката Стигнавме на дното е преземен без интервенции од порталот HypeTV.

Познатиот македонски бизнисмен Моно Алекс, кој важи за еден од највлијателните и најбогатите луѓе од регионот, сподели видео кое предизвика лавина од реакции на социјалните мрежи.

Имено, на видеото се гледа како Моно Алекс се наоѓа во друштво со најпознатиот балкански јутјубер од Србија – Бака Прасе. Двајцата се снимија заедно во Грција, каде што во моментов престојува Бaкa Прасе, а каде што живее Моно Алекс.

На видеото, двајцата позираат до ултралуксузен автомобил, додека популарниот го цитираат препознатливиот поздрав на Моно Алекс – фраза која веќе стана своевиден бренд на македонскиот бизнисмен.

Моно Алекс е познат по својот раскошен начин на живот – сопственик е на низа ексклузивни локали, хотели и апартмани во Македонија и Грција, а неговата колекција на скапоцени автомобили е вистинска атракција. Паркингот пред неговата вила редовно е исполнет со луксузни марки.

Не е познато дали оваа средба има деловен контекст или е само пријателско дружење, но судејќи по насмевките и атмосферата – очигледно е дека станува збор за заеднички моменти кои наскоро можеби ќе добијат и продолжение. Следбениците веќе шпекулираат за можна соработка, видео проект или дури заедничка инвестиција во дигиталниот свет.

29 ноември 2025 - 11:12