Време на подготовка:
20 мин.
Време на готвење:
45 мин.
Вкупно време:
1 ч. 5 мин.
Порции
4 лица
Состојки
- 1 модар патлиџан, излупен и исецкан
- 1 кромид, ситно исецкан
- 3 лажици маслиново масло
- 1 зелена пиперка, исецкана
- 1 тиквица, излупена и исецкана
- 2 поголеми домати, излупени и исецкани
- 1 лажица сецкан свеж магдонос
- сол и бибер
- 8 јајца
Подготовка
Загрејте ја рерната на 200 степени. Ставете го сецканиот модар патлиџан на плех со една лажица маслиново масло и печете го 15 минути додека да добие кафеава боја.
Загрејте го остатокот од маслото во подлабока тава на рингла на среден оган. Пржете ги кромидот и пиперката околу 10 минути со повремено мешањењ, додека да омекнат. Додадете го печениот модар патлиџан и тиквицата и гответе ги околу 8 минути. Потоа додадете ги доматите и магдоносот, зачинете со сол по вкус и гответе ги уште 3-5 минути.
Изматете ги јајцата со сол и бибер. Потоа истурете ги во тавата врз зеленчукот. Промешајте за да се соедини целата смеса и потоа оставете ги да се запечат. Потоа ставете ја тавата во загреана рерна (повисоко, блиску до грејачот) и печете неколку минути додека јајцата да добијат светло кафеава боја.
Послужете го овој специјалитет топол. На здравје!
