Време на подготовка:
20 мин.
Време на готвење:
30 мин.
Вкупно време:
50 мин.
Порции
6 лица
Состојки
- 7 готови кори
- 2 јајца
- 1 кисела павлака
- 200 гр. шунка
- 250 гр. кашкавал
- 250 гр. печурки
- 2 дл. кечап
- 1 лажица масло
- сол
- оригано
Подготовка
Изрендајте го ситно кашкавалот, а шунката исецкајте ја на ситни парчиња или изрендајте ја по желба. Печурките пропржете ги на среден оган во тавче со една лажица масло и зачинете ги со сол.
Поставете ја првата готова кора и оставете ја празна.
Врз неа поставете ја втората кора и врз неа намачкајте половина од кечапот и посолете со малку оригано.
Поклопете ја третата кора и врз неа изронете го половина од ренданиот кашкавал.
Врз неа поставете ја четвртата кора и распределете ја целата шунка рамномерно.
Измешајте ги јајцата со павлаката и две третини од смесата намачкајте ги врз петтата кора.
Врз шестата кора распределете ги печурките. Поставете ја последната седма кора и намачкајте ја со останатата половина од кечапот и половината од кашкавалот.
Замотајте ги корите во ролат. Поставете го ролатот во тавче намачкано со малку масло и обложено со хартија за печење.
Намачкајте го ролатот со остатокото од смесата од јајце и павлака и печете го, посолете го со оригано и печете го во загреана рерна 30 минути на 200 степени.
Послужете го веднаш.
Пријатен апетит.
