Време на подготовка:
10 мин.
Време на готвење:
30 мин.
Вкупно време:
40 мин.
Порции
4 лица
Состојки
- 300 гр. шампињони
- 40 гр. путер
- 30 гр. брашно
- 1 кромид помала главица
- 1 л. вода
- 1 коцка за супа зеленчукова
- 1 филџан павлака
- 0.5 лимон
- магдонос
- сол и бибер
Подготовка
Исецкајте три шампињони на ливчиња. Остатокот од шампињоните сомелете го. Ситно исецкајте ја главицата кромид.
Ставете ја коцката супа во литро топла вода.
Сомелените шампињони и кромидот пропржете ги во длабок сад на путер. Откако ќе се испржат, додадете го брашното и промешајте. Потоа додадете ја супата и оставете ја да зоврие. Додадете го сокот од лимон, сол и бибер по вкус. Во чорбата додадете ја павлаката и тргнете ја на страна. Кратко испржете ги ливчињата шампињони.
Сервирајте ја чорбата украсена со парчињата шампињони и сецкан магдонос.
