Туна салата со тестенини

Порции

6 лица

Состојки

• 600 гр. тестенини (панделки, полжавчиња)
• 170 гр. туна од конзерва
• 1 жолта бабура
• 1 црвена бабура
• 2 парчиња целер
• 60 гр. павлака
• 25 гр. сецкани маслинки
• 1 кромид ситно сецкан
• 40 гр. мајонез
• 2 лажици лимонов сок
• 1/4 лажичка оригано
• 1/4 лажичка босилек
• 1/4 лажичка мајчина душица
• 1/4 лажичка жалфија
• 1/4 лажичка црвен пипер
• сол и бибер
• 2 тврдо варени јајца

Подготовка

Сварете ги тестенините според упатството на ќесичката. Потоа процедете ги од водата и оставете ги во чинија да се изладат.
Во длабок сад измешајте ги изладените тестенини, туна, сецкани пиперки, целер, кромид, маслинки, павлака, мајонез и сите зачини.
Добро измешајте ги и оставете го садот еден час во фрижидер за да се искомбинираат вкусовите.
Сервирајте ја салатата декорирана со парчиња тврдо варени јајца и малку црвен пипер.
На здравје!