Зеленчукова кари чорба

Порции

4 лица

Состојки

• 1 лажица сончогледово масло
• 2 лажици сенф
• 2 главици кромид, крупно сецкан
• 1 зелена лута пиперка, сецкана
• 500гр. карфиол, исецкан
• 1 поголем сладок компир, ислупен и исецкан на коцки
• 1 модар патлиџан, исецкан на коцки
• 2 моркови, излупени и исецкани
• 400гр исецкани домати од конзерва
• 2 свежи домати многу ситно сецкани
• 2 чешниња лук, исецкан
• 1 лажица рендан ѓумбир (или 1 лажичка зачин во прав)
• 1 лажица кари
• 1 лажичка куркума (тумерик)
• 600мл. зеленчукова супа сварена од коцка
• 100гр. зелена боранија
• 1 лажица сок од лимета
• 2 лажици печени бадеми, исецкани
• 2 лажици ливчиња кориандер или магдонос

Подготовка

Загрејте масло во длабока тава на силен оган. Пржете го кромидот и луто пиперче зачинети со сенф.
По 5 минути додадете карфиол, сладок компир, модар патлиџан, моркови, доматите од конзерва, лук, ѓумбир, кари, куркума, зеленчуковата супа од коцка и 1/2 лажичка сол. Покријте ја тавата со капак и оставете мал отвор. Кога ќе зоврие гответе ја чорбата на потивко 30 минути со повремено мешање.
Потоа додадете боранија, сок од лимета и половина од свежите домати. Зачинете по вкус со сол и бибер и гответе 5 минути додека да омекне боранијата.
Поделете ја кари чорбата во чинии. Додадете во секоја порција сецкани бадеми и остатокот од свежите сецкани домати. Декорирајте со ливчиња кориандер.
На здравје!

* По желба во чорбата можете да додадете сецкани шампињони