Време на подготовка:
15 мин.
Време на готвење:
20 мин.
Вкупно време:
35 мин.
Порции
4 лица
Состојки
- 450 гр. свинско месо мелено
- 1 јаболко мало, излупено и изрендано
- 1 парче лук ситно сецкано
- 25 гр. лебни трошки
- 1 лажица маслиново масло
- 1 пакување шпагети
- сол и бибер
Сос
- 1 лажица маслиново масло
- 1 кромид ситно сецкан
- 400 гр. сос од домати
- 3 црвени пиперки печени
- сол и бибер
Подготовка
Во длабок сад додадете го меленото месо, јаболкото, лукот, лебните трошки и сол и бибер. Измешајте ја смесата и формирајте 16 топчиња. Ставете ги на чинија, покријте ги во фолија и ставете ги да се изладат десетина минути.
Во меѓувреме направете го сосот. Загрејте масло во тава и пржете го кромидот неколку минути. Додадете го доматниот сос, исецканите пиперки, сол и бибер. Гответе го сосот околу 15 минути. Сосот може да го изблендирате за да биде помазен. Загрејте масло во друга тава и пржете ги ќофтињата 10 минути додека не добијат кафеава боја. Додадете ги ќофтињата во сосот и гответе ги уште 5-6 минути. Шпагетите сварете ги според инструкциите, изцедете ги и сервирајте ги со сосот и ќофтињата.
На здравје!
