Како докажани љубители на милозвучноста и естетиката на бугарскиот јазик, ќе ви пренесеме препев на песната Yess Boss на данскиот музичар Микел Хес. Текстот е јако глуп, се сведува на една евтина алузија (дека тој ќе ѝ го даде микрофонот, хехе), ама за извесен Кънчо греота било тоа да не се долови на бугарски, па споделил во коментар на Јутјуб. И стварно, текстот останува јако глуп ама кога е на бугарски, некако не може да те испизди.

Топ 13 „славни“ цитати од учебници за високо образование. Едни небулози, едно талибанство, чудесии. На пример, дека наркоманите се, меѓу другото, критизери и фалбаџии, или пак дека ако луѓето постанат хомосексуалци, човечкиот вид ќе престане да постои. Ко да некој некому со сила ќе му го земе газот и ќе му го постануе хомосексуален, па после така со сите и онда - паф! - ќе исчезнеме. Како бе вака? Како бе факинг вака??