Човекот (ничим изазван) се вика Лепи и има спот што не знаеш дали попрво да  не го гледаш или да не го слушаш. Она што е сигурно е дека Лепи има над 2,3 милиони прегледи на видеото, бројка која ако ја помножиш со клип од три и пол минути, добиваш дека човештвото само на ова видео на Лепи има потрошено над 8 милиони колективни минути. П.С. Сè што ќе ви текне вам да промрчите околу Лепи, веројатно веќе (многу подобро) е кажано во коментарите на песната.

Клипов изваден од емисијата „Ноќна мора“ заедно да го гледаат Харви Вајнстин, Луи СиКеј, Кевин Спејси, Стивен Сигал, Дастин Хофман, Џорџ Такеи, Бил О'Рајли, Чарли Роуз, Мат Лауер и други, и на крај да си речат „Ех, во каква глупа земја ние се родивме“.

Во март забележавме дека сајтот на општината има само албанска верзија. Тогаш само линкавме до сајтот („Чаир е често еднојазично место“), ајде да не правиме драми, па да ни се накотат дебилни коментари за шиптари и каури. Може е моментален проблем, фушерајка, може македонската верзија само што не е пуштена.... Осум месеци подоцна, мислите дека на владетелите на Чаир им текнало дека таму има и Македонци?