Надлежните служби за расчистување на патиштата од снег секоја година стануваат сè покреативни. Имаме показни вежби за две различни школи на истурање сол. Секоја со свои предности: првата истовремено е тим билдинг а втората е полуавтоматска. 

Она „Куд би с тобом“ (осим у театар) од песната „Пусти, пусти, моду“ на Здравко Чолиќ, на Радо Шишарката од Бугарија му се слушнало како „Курви сбогом“. И ете ти цела песна како Радо добил позив за војска. Да повториме, Радо Шишарката, Бугарија. Значи, не барајте логика.

Можеби сме на пат да капитулираме ама да беше тоа барем од културно супериорни, цивилизациски понапредни, музички побогати и играчки поразновидни. Веќе го замислуваме Заев како по бела гаќа оди по неговата македонска жица спружена низ вилата на Халкидики и си ја певуцка оваа прекрасна песничка.

Автор на новогодишната желба е фамозниот нео-хегелијанец Амди Бајрам кој накратко вика: „Сите да гласаме за промена на името бидејќи тоа е во интерес на сите нас, политичарите“. Амин.