Кога ќе се споредат бројките на починати лица во пет квартали од пред-пандемискиот период, со бројот на починати во ист број квартали во пандемијата, испаѓа дека од почетокот на короната, имаме речиси 10.000 мртви луѓе повеќе отколку обично. Ситуацијата е под контрола.

Детал од последната епизода на хрватскиот „Кој сака да биде милионер“. Прашањето е чија државна химна се вика „Европа“. Коментарот на натпреварувачот бил: „Тие толку многу сакаа во ЕУ што е можно да е нивна“. Погодете чија?  

Александра К. со генерации наназад е по потекло од Загоричани, Костурско, Егејска Македонија, онаму каде што илинденското востание било помасовно и од Крушево. Татко ѝ се борел во граѓанската војна во Грција, а по егзодусот со фамилијата живееле во Романија и Србија. Александра К. посакала да се распраша дали и како може да добие македонски пасош па се јавила во нашата амбасада во Белград. Пристапот на кој наишла и одговорите и советите кои ги добила се, како да кажеме, одвратни.