Драматизација на една штипска драма

Мајка и син имале неочекуван и за нив пријатна средба со куче скитник додека биле на гробишта. Се пожалиле на локалната телевизија која пак се погрижила брзо да организира кастинг за спомнатите актери во драмата, па нашле вучјак да го глуми „шарпланинецот“. Другите актери се чинат реални.

Од сведоците, за кучето дознаваме дека „опашот му висеше надолу, толку беше големо“ (за оригиналот се мисли) како и дека на штипските гробишта има толку храна во изобилие што на прехрамбен аџилак доаѓаат и кучиња од други места.

Упатуваме братска критика до синот кој со зборовите „Ај јас маж сум, нека ме изеде“ покажа особена загриженост за децата и жените. Како бе така, друже, маж сум, нека ме изеде?? Заради вакви ние последни излегуваме од Титаник! 

Од надлежните очекуван одговор - не се надлежни. Енигма останува само кој онака остава ѓеврек на стомна.

 

14 јуни 2022 - 11:40