Како да се привлечат пари - магична формула

Линкот ни го прати нашиот пријател Коста Бургов и тоа само по себе е доволно, но, да контекстуализираме уште малку. Пред некој ден со ќеиф пишувавме статија за поранешниот претседател на Уругвај (види: Ако веќе зборуваме за лидери....) како екстензија на извонредното видео во кое мудриот човек зборува за вредностите, парите, времето, имањето, бивањето...

А ова овде е од другиот крај на тунелот. Блајхана теткица со розе кармин го брани спротивното гледиште, несвесно нудејќи еден хибрид од протестантската етика (Веберу, што си умро?) и примитивните облици на магијско мислење. Тек да може секој слободно да одбере за која екипа ќе игра.