Во оваа епизода во „храна за лица кои можат да полагаат за возачка дозвола“ имаме еден несекојдневно секојдневен рецепт. На прв поглед обично печени тестенини, ама на втор двоглед не е сѐ така црно бело.
Дали некогаш сте се запрашале зошто „пене а ла вотка“ (penne alla vodka) е толку популарен рецепт? Не е само заради совршениот баланс на вкусови и асоцијалните премрежја, туку и заради тајната состојка која дава посебна нота. Вотката, на изненадување на многумина, не се чувствува како алкохол во сосот, туку делува како катализатор кој ги ослободува аромите на доматот и ги балансира вкусовите на кремастиот сос. Тоа е вистинскиот клуч на сосот. Со неа добивате свиленкаст, богат и уникатен сос кој ќе ве натера да сакате повеќе. Затоа, ако сте расположени за нешто различно и возбудливо, а сепак сакате да го подготвите брзо и лесно, ова е рецептот. Тој е идеален за заузети денови, но и за викенд вечери кога сакате да се опуштите и да уживате во добар оброк без многу напор. Подгответе се за патување низ вкусната Италија, но со една мала, алкохолна нота која ќе го направи вашиот оброк фанки. Врзете појаси:
Состојки
* Тестенини по ваш избор (препорачувам школки)
* 1 мала главица црвен кромид, ситно исечкана
* 2 чешниња лук, ситно исечкани
* 1 конзерва (околу 140 г) двојно концентриран доматен сос
* 1 дл вотка
* 200 г крем сирење (creme fraiche)
* Грана Падано или Пармезан, рендано
* Маслиново масло
* Сол и бибер по вкус
* Свеж магдонос за декорација (по желба)
Стапка - постапка:
* Подготовка на кромидот и лукот: Во тава на средна температура ставете малку маслиново масло. Додадете го ситно исечканиот црвен кромид и пржете го додека не омекне, околу 5 минути. Потоа, додадете го исечканиот лук и пржете уште една минута, внимавајќи да не загори.
* Додавање на доматен сос и вотка: Додадете ја конзервата со двојно концентриран доматен сос и добро промешајте. Пржете уште неколку минути за да се развие вкусот на доматот. Потоа, додадете ја вотката. Оставете го сосот да крчка околу 5-7 минути, додека алкохолот не испари.
* Кремаст допир: Намалете ја температурата и додадете го крем сирењето. Мешајте додека не се стопи целосно и не добиете плишан, кремаст сос.
* Варење на тестенините: Во меѓувреме, сварете ги тестенините во солена вода според упатството на пакувањето. Пред да ги исцедите, зачувајте една шолја од водата во која се вареа. За од уроци.
* Соединување: Исцедените тестенини додадете ги во сосот и добро промешајте. Ако сосот е премногу густ, додадете малку од крстената водата од тестенините. Ова ќе му даде на сосот совршена текстура и ќе помогне тестенините подобро да се спојат со него.
* Последни допири: Додадете рендано Грана Падано (или Пармезан) и повторно промешајте.
* Печение: Ги префрлате тестенините во тава за печење, додавате уште малку сирење одозгора и да ги запелувате на 180°C околу 10-15 минути, додека не добијат златно-кафеава боја.
* Сервирање: Сервирајте ги топли, украсени со уште малку рендано сирење, крем сирење и свеж магдонос (по желба). Просто како таблица со 1. Запечената секси кора додава посебен шефовски бакнеж на рецептот.
Животот е прекраток да лупите авокада секое сабајле и да броите калории.
Уживајте.
Кирил Стоименов - дестилирана вотка
