Две девојки од Македонија наскоро со точаци ќе тргнат на пат долг 1.200 километри. Ако испаднеме фраери, кога ќе се вратат живи и здрави, треба да бидат пречекани со звук на пијано.

"Мислам дека работава ја зезна ваерлесот. Додека одеше жичано, некако одеа работите. Имаше повеќе смисол... Сега целиот ден е работно време".

Даниел Милошевски, Авалон

Име на раперот: Никлеман. Повод: има нова песна, пиаровски најавена (сосе капс лок-от) како: НОВИОТ ПРОВОКАТИВЕН СПОТ НА НИКЛЕМАН!

На наговор на добронамерни пријатели, Крсте Роџевски конечно реши од фиока да извади една своја преработка. Ѓупска свадба, боса нова, Јени маало, корали и сончоглед, Бадев, Жобим и Сариевски...  Една преубава надреална летна мешавина избрусена од магичниот глас на Роџевски. Ако во некој паралелен универзум Борхес би се запил на Ѓавато, сабајлето со ова би се лекувал.

Носталгични по емисиите во кои некој од гостите непотребно ќе станеше и на плејбек непотребно ќе запееше песна (има ли уште такви?), потсетуваме на една историска средба меѓу пејачката Јулија и професорот Венко Андоновски, кога таа неочекувано ја изгуби својата естрадна рамнотежа па замалку на Венко ќе му паднеше на папокот на светот.

Источна Албанија Јужна Србија Западна Бугарија Македонија, како што може да се заклучи од нејзиното знаме, е дел од империјална Јапонија. Нејзините жители можете да ги нарекувате источни Албанци, јужни Срби, западни Бугари, Скопјани или Вардарци, во зависност од тоа дали сакате да попиете бокс од нив.

Нашиот пријател и диџеј првенец Милчо Манчевски има нов сајт. Веб место кое крцка со триста интересни чуда. Само една работа ни фали.

Таа се охрабрува да лета со параглајдер. Тој се охрабрува да ја дочека на слетување. Се викаат Елизабета Шишкоска и Дамир Бошњак. Им посакуваме никогаш да не се покајат што вака се приземјиле.

Наш дечко видел паднат сообраќаен знак во Центар па решил да ѝ пише на општината за да ги извести за тоа. Тие го препратиле кај Градот. Погодувате како се заокружила приказната, нели?

За неговата светска офф промоција (види: Глупи муабети, indeed) пишавме дека негова главна особина е што својот стендап го прави седнат. Во меѓувреме, се откажал од седење па неговите нови дела се, хмм, разиграни. За среќа, Марјан успеал да не изгуби ни грам од својата некогашна урнебесност и маестрална егзекуција на своите досетки. Пошто и да ги знаете овие финти, нема да можете да ги кажете како него. Погледнете ги овие три видео афоризми и ви гарантираме дека после тоа, сè, ама сè, ќе ви биде посмешно.

1. Имаш градски проблем, го пријавуваш на сајт и предлагаш просто решение. 2. Гледаш дека некој паметен тоа го прочитал и го искористил. 3. Се радуваш. 4. Ти текнува да пресметаш колку време поминало.

Жаре еден на еден, на времето се зезаше со коментирањето на Игор Трпески па овој после демек се налути по што моравме да ja предупредиме и поширата јавност на неговиот секс потенцијал (види тука). Овојпат, тема се Панчев и Калински, најзабавниот коментаторски двоец кој досега го имала Македонија. Ајмо Жаре.

Пољаци снимале документарец за македонското чудо наречено Иван Исцелитетот. Според математиките на самиот Исцелител, филмот веќе го виделе 3 милијарди луѓе а се очекува да го видат уште две милијарди. Значи вкупно пет милијарди луѓе. Греота да не сте меѓу нив,

Значи вака. Донка е една од оние девојки кои никогаш не сме ги запознале. Знаеме за неа, сме чуле за неа стотици пати.... Ама, таа е од оние за кои би слушале уште еднаш. За среќа, имаме двајца бесценети пријатели кои се спремни приказната за неа да ни ја раскажат одново. Се викаат Дуке и Крсте. Таа е Донка. Другите се RazBoy. Инџој.

Ако сте пациент на нефрологија во Струга, треба да знаете дека бурекот што ви го даваат сабајле е најпоштено набавен. И дека јадете од најефтиниот. Другото, здравје. п.с. ако сакате со спанаќ, ќе треба да чекате друг тендер.

Во некоја глупа констелација, наивен човек може да се фати себе си како со друштвото на маса синхронизирано се клати на оваа стара песна. Сè дур не сконта за што се пее. Па ќе чека до крај на песната некој клуч за разбирање, некоја шема. И нема да дочека. Едноставно, преглупа песна и тоа ти е. Заклучок, може да стане андерграунд хит.

"Дома си е дома" од Тајзи (музика Јован Јованов) е првата објавена песна од оние што добија државни субвенции. "Најлесно пасош у рука, и фаќаш магла од тука, наместо држава своја, градиме држава туѓа, а јас имам баш добро планче..." се стиховите кои го отвораат овој анти - гастарбајтерски хит кој подоцна  се развива во заразен оптимизам кој ќе ви разбуди желба да ве милува некоја рандом Македонка. Јер Адриана Лима не би знаела ко неа. Све тоа фино, само ни е криво што според ова, Александар Македонски никад не би добил субвенција.

Ако да, тогаш вистинскиот човек за доставување на доказите е Саша Сале Павловиќ Павлака Фрешко екс Фрешко.

Ќе ве мавнеме јако, со еден музички флеш бек од македонска продукција. Каде ли се, што прават овие ликови? Нè читаат ли, се радувааат ли кога ќе се потсетат на себе во најдобрите времиња на вилоетовата боја? Не се заебавајте, барем не беа субвенционирани.

Пред тековните реформи во високото образование, надлежното министерство и автономијата на Универзитетот се испречува неочекуван а гигантски предизвик. Се вика Џесика.