Освен овие тројца, за Бреша тогаш играа и Даниеле Бонера, Игли Таре, Карачоло и браќата Филипини, но оваа сторија не е поврзана со тоа кои познати играчи биле таму, туку за еден кој ги напушти ненадејно, а тие останаа во шок на терен и го баталија мечот.

Најпознатиот непознат фудбалер на светот. Култен лик кој многу љубители на легендарната компјутерска игра Чемпионшип Менаџер (денес Фудбал менаџер) ќе го паметат засекогаш.

Актуелниот шампион на Италија направи еден мангупски трик на својот Фејсбук профил. Од тики-така акцијата против Удинезе во која Дибала и Игуаин се претворија во Меси и Иниеста, направија фора за да се запраша човек дали овој гол се случи на Плестејнш или навистина го видовме во реалноста.

Гигантот од Амстердам е познат по најдобрата фудбалска академија/школа на светот. Непресушен извор на таленти од век векови. Во средата вечер Ајакс во 1/8 финалето на холандскиот Куп со 7-0 го совлада третолигашот Спакенбург. Последниот гол на мечот, од пенал, го даде Наџи Унувар кој со 16 години и 223 дена стана најмладиот стрелец во историјата на Ајакс.

Алжирецот Марез сезонава игра во топ форма за Сити и има 9 гола и 13 асистенции. Тоа што тој го може со топка, го прави и со мастика. Што не верувате?

После поразот од Ливерпул, Јунајтед изгуби дома 0-2 од Барнли. На десетина минути пред крајот од мечот илјадници навивачи го напуштија „Олд Трафорд“.

Вака Алваро Ромеро ќе им збори на децата и внуците во иднина кога ќе им го покаже видеото на кое дава преубав гол против славниот Реал Мадрид. После толку муабет за стадиончето „Лас Пистас“, Реал дојде во Саламанка во јак состав, одигра и победи 1:3.

ПСЖ го совлада синоќа Реимс со 0:3 во Лига Купот, натпревар на кој гостите имаа простор и за изигрување на бесни глисти. Пасот на мечот, денот и сезоната го има Нејмар кој ја додаде како на сервис во маало, а Мбапе се претвори во Жарко Пешевски.

Во 1/16 финале од шпанскиот Кралски Куп, Барса гостува кај Ибица Елвиса, третолигаш од Сегунда Б дивизија. Новиот тренер Кике Сетиен се реши да играат Де Јонг, Гризман, Ракитиќ, Ленгле па и малиот Фати, ама после 45 минути губат со 1:0. Примија гол во 9' минута од Кабаље.

Не носи ни маркер, ни дрес, туку изгледа како да им е дојден онака рандом. Плус изгледа и на некој чикица, ама чикица визионер со нов фудбалски трик за тоа како да го извадиш голманот од колосек. Чиче ти си тотално луд со потегов и треба да не плаќаш термин во балон доживотно.

Дедово има 74, но по се изгледа пензијата не му стига, а телото и паметот му дозволуваат да работи. Што? Да игра фудбал, ама професионално со договор. Гинис спремај книгата.

Луд меч одиграа синоќа Евертон и Њукасл. Домашните водеа 2-0, а во еден момент во 54’ минута гостинскиот фудбалер Џамал Ласелс му се пушти на помладиот шпиц на „карамелите“ Калверт-Луин. Вториов непристојно гестикулираше.

Во Лига Купот на Португалија, Брага со 2-1 го победи Спортинг Лисабон. Ваков натпревар сезонава немало во Европа - судијата подели 10 жолти и дури 4 црвени картони. 90 минути изобилуваа остри прекршоци а кулминираше во 90+3’ минута кога Французинот Жереми Матје намерно и без никаква потреба го удри Вилсон Едуардо. Одма сите му се залетаа, а прв што го штитеше беше Стефан Ристовски.

Синоќа се навршија 35 години од дебито на еден од најголемите фудбалери на сите времиња, капитен на Милан и денес раководител на овој клуб за кого играше татко му, а денес игра и син му.

Само премиерлигашките клубови се до толку упорни со ровање до последниот свиреж на судијата. Не е важно каков е резултатот, најважно е да се запне до крај. Такви пример знаеме многу, како на пример финалиња во ЛШ со Манчестер Јунајтед, па со Ливерпул.

Елиф Елмас доби нова шанса за настап кај Џенаро Гатузо кој на првите средби го игнорираше. Овој пат го стави во 67-ма минута, го пофали за настапот и на крај му влезе со гради за да му честита во свој стил.

Моментот кога веќе се стемнува, а нерешено е и мора да ја решите, па испотени и жедни си викате: „Кој дае гол победник“, и играте уште саат време дур не свирне од горе стариот и рече: „Качувај се горе, јас да не се симнам“.

Огнениот старт на 2020-та година - 6 гола на 3 меча за Јувентус, придонесе Кристијано Роналдо да влезе во Топ5 најдобри стрелци во историјата на фудбалот според Rec.Sport.Soccer Statistics Foundation (RSSSF).

Се шегуваме. Дражта на Купот во секоја земја е токму во тоа, мал клуб од мало место да пречека некој гигант. Па да се соберат локалци, да го наполнат стадиончето, да испијат по некое пиво, да дофрлаат за фризурата на Рамос итн.

Сем Бисант, голман на нисколигашот Хемел Хемпстид Таун. Му шутираат од пола терен, топката оди 30 метри од него, ама тој битно се фрли да се осигура дека нема да влезе.

Златан пред некое време ги предизвика со Матрикс челинџ Пол Погба, Новак Ѓоковиќ, Хабиб Нурмагомедов и Мино Рајола, ама како што знаеме никој не му го прифати предизвикот. А прашање е и кој друг го може ова? Како потег и каква еластичност има човеков.

Во Египет падна чист гол (речиси падна) кој во последен момент судијата го поништи. Кога топката стигна на гол линија соиграч на стрелецот место да ја остави, непотребно ја заби. Каде е проблемот? Епа во офсајд беше, ќе сконтате од забавената снимка.

Суперѕвездата на Јувентус кој ќе игра на Европското 2020 ќе остане запаметен како еден од најдобрите фудбалери во историјата. Интересна и симпатична е и неговата трансформација од дете во зрел човек.

Реал Мадрид објави дека потпишал договор со фудбалерот од средниот ред на Фламенго, Реиниер за кого платиле 30 милиони евра од кои 80% ќе одат за Фламенго, а останатото за играчот и неговите претставници.