Култниот италијански клуб за жал сезонава се наоѓа во второлигашко друштво, но тоа не е никаква пречка да не добие поддршка од тие што вистински го сакаат. Викендов гостуваа, тепаа убедливо со Џиџи на голот, а на трибина македонско знаме.

Фудбалерите на Рома синоќа го совладаа Сасуоло и заедно со Наполи и Милан се единствените екипи со 3 од 3 на стартот. За Жозе Мурињо победата значеше многу. Ја прослави во свој стил.

Баер Леверкузен и Борусија Дортмунд одиграа дерби за мерак. Славеа гостите со 3-4 во најинтересниот меч од почетокот на сезоната во Бундеслига. Халанд даде два гола а при прослава на едниот ги гаѓаа со пива од трибини, па англискиот репрезентативец Џуд Белингем фати едно во лет.

Баварците со 1-4 го прегазија најголемиот конкурент за титулата сезонава, РБ Лајпциг, ама единствениот гол за домашните кој го распали Конрад Лајмер беше за најавни шпици.

Серија А излезе со еден статистички податок на кој нема Македонец кој не би се гордеел. Во друштво на топ 10 активни фудбалери во Серија А со најголем број на настапи, да ти бил и Горан Пандев и тоа на трета позиција.

Појако враќање дома и не можеше да посака. Два гола, победа, скандирање на неговото име, мајка му на трибина, како и неговиот фудбалски татко Сер Алекс Фергусон.

Не само што го видоа во прва постава уште на првиот меч, туку веднаш даде гол и предизвика еуфорија на култниот стадион во Англија. По пауза од 12 години, Кристијано Роналдо се врати на Олд Трафорд со погодок против Њукасл.

Тоа се тие градски ривалства во Италија, шеташ низ Рим и ако си почетник како Жозе, може лесно да го утнеш квартот или ресторанот. Но добро, сето ова излезе симпатично и од двете страни. Навивачот се пошегува, а Мурињо веројатно чекаше фотка и мислеше дека се работи за романист.

Со нов хет-трик за својата Аргентина, Лионел Меси стана најдобриот стрелец на една репрезентација во историјата на Јужна Америка. Легендарниот Лео сега има 79 гола за репрезентација.

Во 2008-ма година стоперот кој по потреба играше и бек, во финале на Лига на шампиони му намести гол на Кристијано Роналдо против Челси во Москва. На пенали тогаш Манчестер Јунајтед ги совлада „сините“ а Роналдо и Вес Браун тогаш беа соиграчи а сега се во поинакви улоги.

Колумбија - Чиле: 19-та минута 1:0, стрелец Борха. 20-та минута 2:0, стрелец Борха. 27-ма минута Борха во напад за хет-трик кој можеше да го оствари за 7 минути. Некогаш човек треба да е себичен.

Во Буенос Аирес имаше Меси шоу, а во еден момент гостите не знаеа како да се носат ниту со Анхел Ди Марија. Камерата едвај го пратеше, на па тие. Бркај, бркај, не се добркува, ќе мора по цеваница.

Во Јужна Америка, се одиграа пет средби во 8. квалификациско коло за СП 2022 и на сите пет славеа домаќините. Најемотивно беше на Ел Монументал во Буенос Аирес, каде Меси му сруши рекорд на Пеле. По мечот имаше фешта за трофејот од Копа Америка.

Откако ФИФА решила да направи студија на изводливост и потенцијли и последици од евентуални реформи за Светско првенство на секои 2 години, денес од состанокот во Доха стигнаа и нови идеи.

Идејата за Мундијал на секои две години со која би се обесмислила дражта и убавината на Светско првенство, за некое чудо проистекнува од еден од најголемите борци за правда и спортско витештво, Французинот Арсен Венгер.

Голем клуб со такво реноме не остава ама баш ништо на случајот. Затоа и важат за најсредениот колектив во Европа. Имаат вработено професор по германски јазик и книжевност кој секојдневно работи со странските играчи.

Македонија под водство на Боби Милевски се изнаигра со топка, прикажа голема доминација на сите три средби, посед, повеќе удари, но нешто не штима во напад. Од шансите за гол, можеби оваа синоќа беше најзрела, кога Елмас за малку ќе го имаше по насловни од Скопје, преку Букурешт па до Неапол.

Легендите на бразилскиот и светски фудбал се меѓу педесетината некогашни тренерски и играчки асови во Доха (Катар), каде ФИФА ќе дискутира неколку прашање меѓу кои и она да се игра Мундијал на секои 2 години. Ама пред дискусијата секој морал да помине ПСР тест, а Рони не го поднесе баш лесно.

Фудбалската репрезентација на Шпанија победи во Приштина на гости 0-2 во квалификациската група Б на патот за Светско првенство 2022. Пред мечот, на прес-конференција еден новинар го прашува фудбалерот на ПСЖ Пабло Сарабија „Зошто викате цело време локалниот тим а не кажувате Косово“? Сарабија ладно одговори: „Не го разбирам прашањето“.

4 септември, Д група, Украина - Франција 1:1. Да повнимаваме што ќе кажеме, да не погрешиме. Ако не се лажеме, ова не е монтажа.

Во португалската трета лига, навивачите на Калдас СК смислиле одличен начин како да го убедат судијата да му извади жолт картон на голман додека задржува време. Бројат секунди додека овој се спрема да изведе топка од гол-аут. Му изброија до 20.

Место едноминутен молк, на мечот Грција - Шведска на стадион одекна најпознатиот грчки танц “сиртаки“, кој им стана симбол и кој се прослави во цел свет. Создаден е во 1964-та за филмот Гркот Зорба и е дело на славниот композитор Микис Теодоракис, кој почина на 2 септември на 96 години.

Едно време се мислеше дека е чиста случајност, едно време се мислеше дека е во слаба форма, па и дека секому се случува. Ама Тимо, пријателе, ова веќе станува сериозно. На мечот Исланд - Германија кој заврши со убедлива победа од 0:4 за лидерот во нашата група, шпицот на Челси пак се обрука.

На Градски синоќа имаше еден доста познат и славен лик од македонската фудбалска репрезентација, кој од јужна трибина ги бодреше момците со кои го направи историскиот успех. Навивачите бараа фотографија, а истовремено бараат гол (дома).