Барди против тројца одигра како Иниеста, за прва победа на Леванте во Ла Лига

Фудбалерите на Леванте се изнамачија сезонава и дури во 20. коло успеаа да стигнат до првиот триумф во шпанскиот шампионат. Барди не постигна гол, ама направи маестрална акција по која следуваше маестрална асистенција.

Леванте конечно го запиша премиерниот сезонски триумф во Ла Лига откако со 2:0 ја совлада Мајорка, а мечот го решија Роберто Солдадо во 47-ма и Хозе Луис Моралес дури во 97-ма минута.

Гостите можеа да внесат голема неизвесност во последните 20 минути од средбата, но во 69-та минута не реализираа пенал.

Барди беше стартер, одигра 85 минути и беше асистент први првиот гол, а акцијата и асистенцијата до Солдадо беа мајсторија за гледање.

Го нападна еден, втор, па трет, откако прими топка од голманот, но македонскиот репрезентативец им покажа кој е газда во средина и потоа со магичен потег го пронајде Солдадо.

Леванте и покрај победата и натаму е убедливо последен во шпанската елита со 11 бодови од 20 одиграни натпревари и го очекува грчевите битка за опстанок.

Солдадо стана трет фудбалер во Ла Лига кој успеал да постигне гол со седум различни екипи.

8 јануари 2022 - 19:33

Штета ако сте пропуштиле

Утринска песна за шампиони

Галија, мазија, пак ќе биде наша, најгрда

Кој е најдобриот бенд во живо во светот

Писмо од Кина: Вирусот на паниката