Во 22. коло од МЛС, Сан Хозе со 2-0 го совлада Сиетл. Вториот погодок за потврда на победата беше дело на Мигел Траухо. Голчиште на волеј.

Во 1/4 финале од Купот на Бразил, Гремио во реваншот одигра 1-1 со Баија. Првиот меч завршил исто 1-1 па се преминало на пенал серија во која подобар бил домаќинот со 4-3 и оди во полуфинале. Ама последните две минути од натпреварот биле врвни.

Најтрофејниот европски стратег Жељко Обрадовиќ е прав магнет за големите играчи кои сакаат да играат за него. Така Американецот Зек Ледеј, еден од најважните кошаркари на Партизан откри како знае дека нешто згрешил на теренот.

По болниот раскин со Барселона и авантурата во Париз, Лионел Меси реши, по сопствено признание да отиде во средина каде ќе има повеќе мир и спокој за него и неговото семејство. Во САД претходно такво нешто наоѓаа Руни, Бекам, Гвардиола, Џерард, но не и Лео.

Градежните работи на еден од најубавите фудбалски храмови на светот на големо траат веќе неколку недели. Дел од горниот прстен е веќе соголен и глетките се грди, но се спрема стадионот да облече ново руво за од 2025-та да блесне во прав сјај.

Врвниот турски талент кој пред неколку дена од Фенербахче премина во Реал Мадрид, веќе почна да го демонстрира својот раскошен талент со топка.

Секојдневно излегуваат нови вести за силни трансфери во фудбалските клубови во Саудиска Арабија. Привлечени од мегаломански договори, многу познати фудбалери од Европа се селат во далечната земја. Сите имаат различни објаснувања за изборот.

Во Јужна Азија се играло фудбал за време на поројни дождови и невремиња, на Блискиот Исток се играло и на 40-50 степени. Ама досега фудбал за време на земјотрес со јачина од 5,6 степени по Рихтер не сме виделе. Во Јужна Америка страста за топката е посилна и од земјотрес, па така коментаторите низ насмевка констатираа дека се тресе земја, се тресат трибини, се тресат камери, а навивачите пееја некоја шегобијна песна за земјотрес.

Како и во секој преоден рок во изминатите 5-6 години, така и сега Хари Кејн, најдобриот англиски центарфор е во центар на внимание. Дали ќе си оди од Тотенхем или ќе остане да работи со новиот тренер Постекоглу.

Во сè потопло лето кога кулминира трансфер преодниот рок, од Манчестер наместо за нови астрономски засилувања, ни стигнува една убава приказна. Сити решил да направи мала тура на своите три пехари од историската тројна круна и да ги однесе на гости кај свои верни навивачи.

Жесик Нганкам е еден од најдобрите фудбалери на германска Херт. Тој игра како центарфор а откако клубот од Берлин испадна во втора лига, добил неколку богати понуди да продолжи во елитната Бундеслига и да игра еврокупови. Решил да ги одбие.

Со 11 освоени титули од кои 8 во последните 9 години, Пари Сен Жермен е најтрофејниот клуб во француската Лига 1. Под водство на шеиците од Катар, парискиот клуб стана современ гигант кој има неверојатни услови.

По одличните партии во Милан каде беше позајмен, Реал Мадрид реши да го врати Брахим Диаз во својот тим. Младиот вешт техничар треба да биде големо освежување за екипата во новата сезона и ќе биде замена за Марко Асенсио кој замина во ПСЖ.

Се вика Фајза Ламари. Таа во целост ги управува кариерата и животот на син ѝ. Имиџот, реклами, преговори со клубови и хуманитарниот фонд. Таа е директен преговарач со највлијателните луѓе во светот на фудбалот како Флорентино Перез и Насер Ал Хелаифи. Ја нема во медиумите па луѓето кои не ја знаат, често го криват Мбапе дека е себичен, алчен, лаком за пари.

Се ближи стартот на новата авантура за Лео Меси кој на 16 јули се очекува да дебитира во дресот на Интер Мајами. Еуфоријата во градот веќе се чувствува. Викторија Бекам снима и го фали сопругот за трансферот, а Дејвид позира пред убавото уметничко дело.

2018/2019 е сезона на Клоп и Ливерпул кои станаа европски прваци, ама страшен беше и Ајакс кој за влакно не стана финалист по двобојот со Тотенхем. Во нокаут фаза ги збришаа Реал и Јуве. Душан Тадиќ беше неприкосновен. Погледнете го ова страшно добро издание.

Налетавме на анегдота типична за Џаро кој објаснува како со помош на поранешниот голман на Македонија, Јане Николовски кој бранеше за Славен Белупо сезоната 2006/2007, стигнал до најголема добивка во кладилница.

Во 2019-та Арда Ѓулер од Анкара доаѓа во системот на Фенербахче. Во 2021-ва потпиша две-ипол годишен професионален договор. На 19 август 2021-дебитира за гигантот од Истанбул во меч од Лига Европа а три дена подоцна дебитира и во турска Суперлига со асистенција. Со Фенер неодамна го освои Купот на Турција а беше прогласен за најдобар играч на финалето. На 6-ти јули 2022-ра беше објавено дека Реал Мадрид ја платил откупната клаузула од 20 милиони евра.

До првиот меч на Манчестер Јунајтед во Премиер лига остана уште еден месец, а екипата уште не знае кој ќе ја чува мрежата во новата сезона. На Де Хеа му истече договорот и тој добил по признание на Рио Фердинанд лош третман и непочит од клубот. Во меѓувреме понудени се 45-50 милиони евра за Камерунецот Онана од Интер. А додека го чекаат него го довеле 20-годишниот Јапонец Зајон Сузуки со кого е потпишан 5-годишен договор.

Во Скопје постои врвна анегдота дека при гостувањето на Рома за дуелот со Вардар во Куп на УЕФА 2003-та година, легендарниот тренер Фабио Капело од домаќините во Скопје побарал да го однесат во некоја антикварница. Го однеле во Стара Чаршија а таму некој го препознал и наеднаш се створиле стотици луѓе да се сликаат со големиот дон Капело. Едвај го извлекле. Исто го снајде и Фирмино кој потпиша во Саудиска Арабија.

Легендарниот фудбалер од незаборавните екс ју носталгични времиња во 1 минута ќе ви го објасни клучот на Хрватите кои на последните два Мундијали стигнаа до финале и полуфинале. Нешто што го красеше и нашиот национален тим некаде до ЕП 2020 со Пандев и Мрме. Куси и одлични поенти на Роберт.

Кристијано Роналдо беше само почеток. Од Саудиска Арабија секој ден има по некоја монструозна понуда на која ретко кој успева да оделее. Немаат намера да застанат, барем во наредните пет години.

Голот е кулминација за секој фудбалски навивач а стрелецот на истиот понекогаш го прославува на необичен начин кој се памети со години.