Рубриката „навивачи“ која ја отворивме за да ја полниме со луѓето без кои не може фудбалот, ја продолжуваме со првиот официјален фан клуб признат во странство. Се спремаат за Париз на осминафинале во ЛШ, каде велат дека би спиеле и на клупи.
Амбри е швајцарски клуб кој никогаш не ја освоил националната швајцарска лига, но никогаш и не испаднал откако таму се натпреварува во 1985 година. Тоа е најкусо инфо за клубот, него пазете им ги навивачите.
На 29 декември во вторник Лестер ќе го пречека Манчестер Сити, а тоа ќе биде воедно и причина за одбележување на година дена патување од последно до прво место.
Дербито на Казабланка во Мароко важи за едно од најжестоките во светот. Последното го одиграа минатиот викенд и заврши 0-0. На теренот немаше голови, но на трибините фрштеше на сите страни.
Аргентинците и генерално Јужно-американците се познати по страста кон фудбалот. Не прашуваат колку чинат патувањата за да го бодрат омилениот клуб. Така околу 10.000 навивачи на Ривер Плата од целиот свет допатуваа во Осака, каде се игра Светското клупско првенство.
Четворица навивачи на Јувентус во пресрет на вчерашниот меч против Фиорентина наоружани со фантомки плашеле гостински навивачи во сендвичара. Истите фрлаа димни бомби пред две години на стадион.
Борусија Дортмунд славеше 4:1 против Ајнтрахт Франкфурт во претпоследното коло пред зимската пауза за одржување на -5 до лидерот Баерн. Навивачите се распеаа со најславната божиќна песна.
Не е ниту прв ниту последен пат навивачите на ПАОК лежерно да палат пиротехника буквално на целиот стадион, по што логички се наметнува прашањето дали редарите грицкаат семки на врата и дали воопшто претресуваат?
Вечерва играат Наполи и Легија Варшава, екипи кои ги имаат можеби најфанитичните навивачи во Лигата на Европа. Како резултат на тоа доцна синоќа на улиците на Неапол имало неколку тепачки.
Малме прими 8 гола на Бернабеу и отпатува во Шпанија како аутсајдер. Исто беше и со Борусија Менхенгладбах која загуби од Сити со 4:2 и немаше шанси за нокаут фаза во Лига на шампиони. Тоа не беше пречка да се оди на гостување во Мадрид и Манчестер и тоа во бројка од неколку илјади. Респект за лојалноста на момциве кои грмеа на трибина.
Навивачите на Меренгес од Македонија успешно ја заокружија богатата 2015 година во која ги бодреа Кралевите ширум Европа. Ни раскажаа за контактот со уредникот на реномираниот АС и зошто настанал проблем со поставувањето на македонското знаме на трибините каде се наоѓа групата Ултра Сур.
Пред почетокот на последното градско дерби меѓу МЗТ Скопје и Работнички, група навивачи на центарскиот клуб одлучија да направат мини екскурзија низ делот од градот каде „не се јаде ниту домат затоа што е црвена боја“. За среќа, немаше близок контакт меѓу двете страни кои подоцна на мечот вербално се препукуваа.
Последната нивна средба беше емотивна кога лани Kомитите се збогуваа со Кале, храмот на ракометот, а на Веселин Вујовиќ му приредија спектакл кој потоа се обиде да го опише на пресот. На 10 декември, Вардар повторно го пречекува Загреб во СЕХА лигата, а овој пат се очекува нов голем пречек во Јане Сандански за нивниот миленик.
Од Кротоне до Милано има 1.200 километри и околу 12 часа пат со кола, но тоа не е никаква пречка за навивачите на второлигашот да се организираат во бројка од 5.000 и да направат спектакл на Сан Сиро. Синоќешниот меч беше во рамките на 4. коло од Купот на Италија во кое Милан успеа по продолженија да слави со 3:1 и да се пласира во осминафиналето. Па ние волку навивачи ни на дерби не можеме да збереме.
Кај нас на стадион се грицкаат семки и сончоглед, исто како во Црна Гора, Србија, Бугарија, Ерменија, Азербејџан, Белорусија, Грузија, Гибралтар, Израел, Молдавија, Романија, Русија, Украина, Шпанија.
Иако навивачите на францускиот прволигаш на дербито против Ажаксио минатата недела останале надвор од стадионот при интонирање на државната химна, затоа што како што велат таа химна не им припаѓа нив, остатокот од стадионот со аплауз ја испрати интонацијата.
Навивачите на ПСВ Ајндховен презадоволни со бод заминаа од Манчестер вечерва. Додека чекаа да се испразни Олд Трафорд ја запеаа песната за Коло и Јаја Туре со сè кореографија.
По пар пијани навивачи на БиХ кои во Даблин го прекинуваа 1-минутниот молк, синоќа на пријателската меѓу Турција и Грција во Истанбул, домашните навивачи громогласно го исвиреа 1-минутниот молк во чест на жртвите од терористичкиот напад во Париз.
По ремито 1:1 на првиот дуел, Ирска со 2:0 ја совлада БиХ на реванш средбата од плејофот за Европското првенство и обезбеди пласман во Франција. Гостинските навивачи не ги испочитуваа до крај жртвите од терористичките напади во Париз.
Група колумбијски навивачи тргнале на гостување во Чиле кога полицијата во нивните автобуси пронашла 575 килограми кокаин. Возачите и дел од патниците се уапсени.
Одиш во школо, им го пушташ видеово на другарите во клас и им покажуваш како се води навивачка група. Снимката е по лондонското дерби меѓу Арсенал и Тотенхем кое заврши 1:1, а малиот почнува да пее за Кристијан Ериксен.
