Поради страшни поплави предизвикани од непрекинати дождови, во јужен Бразил, во државата Рио Гранде до Сул, во Порто Алегре Во страшните поплави предизвикани од дождови од крајот на април и речиси цел мај, настрадале најмалку 169 лица, а 580.000 биле приморани да ги напуштат своите домови. Многу области се во застој.

Грчки Олимпијакос стигна до пехарот во европската Лига на Конференции. Со гол во второто продолжение во 116’ минута на Ел Каби, откако регуларниот дел заврши без голови, црвено-белите од Пиреја ја совладаа Фиорентина и стигнаа до прва евро титула во историјата. Славјето во Атина беше незапаметено.

Веќе неколку недели трае простувањето на навивачите на Ливерпул со својот најсакан тренер во нивната историја. Германецот за девет години им донесе бројни титули, им донесе шампионски пехар во Премиер лига кој го чекаа 30 години, им донесе Лига на шампиони и што уште не. На една проштална вечер во салата M&S Bank во Ливерпул каде имало и свирка на разни бендови, навивачи дошле и му пееле. Не ги додржел солзите.

Пред точно 50 години, прв голем метеж во странство англиските хулигани направиле на финалето на Куп на УЕФА на мечот Феенорд - Тотенхем во Ротердам. Околу двеста лица биле повредени а 50 уапсени. Од тој момент започнува англиската хулиганска бахатост ширум континентот.

Комити како и многу пати сезонава направија фешта во бараж мечот на Вардар против Детонит Плачковица кој го добија со 2:0. Го згрмија големиот македонски хит и приредија пиротехничко шоу.

Навивачката група Комити го издржаа на плеќи Вардар до крај и со целосна посвета и огромна поддршка стигнаа до нов опстанок во баражот за прва лига. Но овој пат како целосни сопственици.

Извесен Џанпјеро е навивач на сезоната. Големиот приврзаник на популарната „Деа“ како што е прекарот на „Божицата“ од Бергамо, решил да тргне сам на страшно далечен пат од 1.830 километри!

Со гол во 90-та минута Спарта Прага го совлада големиот ривал Викторија Плзењ 2-1 во големото финале на Куп на Чешка и заслужено ја освои двојната круна во оваа земја откако пред неколку дена стигна и до шампионска титула.

Репрезентативецот на Јужна Кореја Ин Беом Хванг минатото лето стана најскапо засилување во клупската историја на Црвена Звезда која за него плати 5,5 милиони евра. Хванг во меѓувреме стана лидер на екипата а навивачите го обожаваат. Синоќа по триумфот од 2-1 во финалето на Купот на Србија против Војводина, Делиите му ја посветија песната со наслов Брус Ли.

Тиквеш и Воска Спорт се екипите кои вечерва со почеток од 19 часот на Градски во Скопје ќе се соочат во 31-то финале од Купот на Македонија. Лозари се загреваат уште од синоќа и најавија голема поддршка во битката за нивниот прв пехар во клупската историја и можноста за прв пат да излезат во Европа.

Во луда завршница, во последното коло од грчката Суперлига, ПАОК влезе прв со 77 бода пред АЕК Атина кој имаше 75 бода. На Солунците им требаше победа на гости кај градскиот ривал Арис. Водеа 1-2 и со играч помалку од 78 минута успеаа да издржат, да победат и да слават титула со своите навивачи кои на „Тумба“ го следеле дербито на видео бим. Титулата се враќа во Солун а досега шампион беше АЕК.

Оној кој од близу се занимавал со местење кореографија знае колку е тоа тешка, макотрпна и исцрпувачка работа. Уште рачунајте ако треба да местиш за 80.000 луѓе, па секој да знае да не крева пред време, ни подоцна ни порано. Навивачите на Интер на дербито со Лацио кое заврши 1:1 кренаа чудесна кореографија за шампионското скудето број 20 со кое заработи две ѕвезди на грбот.

Британските навивачи често имаат јака смисла за хумор, а тоа го докажаа и оние на Њукасл. Откако јавноста беше шокирана кога за време на дербито Манчестер Јунајтед - Арсенал (0:1) стадионот Олд Трафорд прокиснуваше од многу страни од силниот дожд, така овие на Њукасл решиле да дојдат со маски, пераи и опрема за нуркање.

Бизарна ситуација имаше на големото дерби во претпоследно коло од Премиер лига синоќа. Тотенхем го пречека Манчестер Сити. На гостите само победа им вршеше работа за шампионската титула за која се бркаат со Арсенал. И кога Халанд даде два гола, навивачите на Тотенхем со аплауз ги проследија.

Дуелите меѓу ГАИС и Гетеборг, двата најголеми клуба од шведскиот град редовно поминуваат со убави кореографии, многу пиротехника, песна и ривалски надмудрувања. Овојпат ГАИС победил 2-1 во 8. коло.

Со шут за три поени од пола терен, навивач на Оклахома стигна до 20.000 долари. Вие пак играјте спортска.

Во средата на 1-ви мај Парма одигра 1-1 на гости во Бари и обезбеди сигурен пласман во Серија А. После цели три години „млекарите“ се враќаат таму каде што им е место - во најдоброто друштво. Но поради тоа што играа на далечно гостување, главната прослава била закажана за домашниот меч на 5-ти мај против Кремонезе (1:1). На култниот „Енио Тардини“ дошле илјадници тифози на Парма.

Навивачката сцена во Мостар со децении имала јасни правила и се знаело до каде може да се оди поради осетливоста на етничките прашања. Ривалитетот меѓу приврзаниците на Зрињски (клуб поддржан претежно од хрватската заедница) и Вележ Мостар (клуб за кој навиваат претежно муслиманите во градот) секогаш носел тензични но дефинирани односи. Сега во само неколку дена се случиле претумбации како никогаш претходно.

После мечот меѓу Сампдорија и Реџана на стадионот „Луиџи Ферарис“, попладнето се судриле навивачи на Џенова и Сампдорија. Околу педестина навивачи на Џенова кои се враќале од мечот со Милан во Милано, го нападнале главниот штаб на ривалската група Ultras Tito Cucchiaroni на Пјацале Адриатико. Полицијата не успеала навремено да спречи судир во кој биле употребувани палки, метални шипки и пиротехнички средства.

Динамо Загреб имаше слаба сезона сè до моментот кога почнаа да бележат добри резултати а кулминацијата на нивната форма беше победата после пресврт на гости кај најголемиот ривал Ријека. Домаќините воделе 1-0 со голот на Марко Пјаца од пенал во 49-та минута а Динамо Загреб направил пресврт и победил 1-2 со погодоци на Бруно Петковиќ во 75-та и Арбер Хоџа во 89-та минута.

Навивачите на Вардар секоја година, на свој начин го најавуваат христовото воскресение. Овој пат, големото пиротехничко шоу со кое го осветлија небото, беше организирано во Драчево.

За време на натпреварот Интер - Торино во Серија А, еден навивач на нераѕурите решил да викне бербер да го поткастри.

Колку беа убави времињата кога на Јужна ќе помине неуморниот лик со плетена корпа полна семки, кикирики, грицки, печени јаболки... Како овој цар со студени пијалаци на стадионот на Серо Портењо во Парагвај.