Навивачи

Црвен картон и за навивачите?

Фудбалерот од Гана Емануел Фримпонг е 99. случај на дискриминација во рускиот фудбал во последниве две години. На дуелот меѓу ЦСКА Москва и Уфа беше исклучен откако врати на провокацијата на навивачите на кои им смета што е црнец. Сега за него ќе има суспензија од неколку меча, а кој ќе ги доведе во ред навивачите во земјата кој е следен домаќин на Светско првенство?

Комитите ја објаснија паролата ПедаракиΣ лимунада

На западната трибина за време на вчерашниот квалификациски дуел меѓу Вардар и Апоел, домашните навивачи извадија голем провокативен транспарент. Преку сајтот vardarfans објаснија дека идејата им е од една сцена од македонскиот филм Тетовирање каде еден од ликовите бил Грк и хомосексуалец.

Вардаровите песни ечеа пред Филип Втори

Навивачката група Комити на два часа пред мечот тргна по својата препознатлива рута од Соборниот храм до паркот пред арената Филип Втори каде се загреваа со песни за важниот меч на Вардар на кој му недостасуваше само гол за пласман во следното коло.

Навивачите на Апоел провоцираат со знамиња

Гостите од Кипар влегоа во судир со редарите и полицијата откако на околу половина час пред почетокот на мечот извадија грчко и српско знаме. Туркањата почнаа откако службите за безбедност одлучија да им ги одземат.

Идниот водач на навивачите на Андерлехт

На пријателска во Белгија, Андерлехт го совлада Лацио со 3:1, а домаќините го претставија најголемиот кандидат за водач на нивната навивачка група.

Ултрас Палермо - чувари на Сицилијанската традиција

Во срцето на Сицилија единствено нешто околу кое се обединуваат различните култури, националности и вери е фудбалскиот клуб Палермо.

Среќен 5-ти роденден МУСЦ - Македонија

Најзагреаните македонски навивачи на Манчестер Јунајтед влегоа во нашиот караван на посети кои со голем ќеиф ги правиме во фан клубовите. Вчера наполнија пет години откако се собираат заедно да ги гледаат „Црвените ѓаволи“, а ние им честитаме и за денешното големо засилување.

Навивање преку пруга

Не се ниту на стадион, ниту на тренинг, туку на железничка станица, но кога го имате најдобриот водач атмосферата е како на дерби.

Торцида најави инвазија на Максимир, се враќаат и Бојси

Во 1. коло од хрватското фудбалско првенство во недела на Максимир од 19 часот играат Динамо и Хајдук. По апсењето на браќата Мамиќ, навивачката еуфорија се враќа меѓу Хрватите.

Имињата не ги даваме

Читателот кој ни објасни дека без разлика на квалитетот на нашите репрезентации, поддршката наместо со мобилен на вц шолја, треба да се даде на лице место, овој пат ги собра на купче сите навивачки групи од Македонија. Резултатот е преинтересен. Сме имале Улави, Багабонти и Ѓаоли.

Фанатици и на плус 40 степени

Околу 3.000 најверни навивачи на Бетис присуствуваа на тренингот на нивниот омилен клуб. Пеколното време не ги спречи во намерата да им дадат поддршка на своите идоли кои направија кам бек во Примера. Засилување во новата сезона ќе им биде искусниот Рафаел ван дер Варт.

Џон Гвидети води навивање

Најдобриот фудбалер на Шведска У21, Јон Гвидети знаеше како да ја запали масата која дојде да ги поздрави европските шампиони од Чешка. Го зема микрофонот и водеше навивање како цел живот да е качен на шипка на трибините.

Клуб, репрезентација или двете?

Некој ќе каже, немаме резултати, ужас сме, катастрофа, дебили играат. Какви-такви, наши се и треба барем да пробаме да им дадеме поддршка па на крајот ако не чинат ќе ги пцуеме и кудиме. Вака, со седење од фотеља (а по ново и од вц шолја со мобилните во раце) нема никогаш ништо да смениме.

Што значи титула после 17 години пост

Кошаркарите на Црвена звезда ја прекинаа доминацијата на вечниот ривал Партизан кој 13 години по ред беше шампион. Навивачите и играчите на црвено-белите знаеа како да ѝ се израдуваат на титулата на Калемегдан во Белград.

Страста за Баерн Минхен во Македонија

Прилепчанецот Никола Брајановски возеше 100км со точак до Охрид за во друштво да го следи полуфиналето од ЛШ против Барса, а Александар Змејкоски на Олимпико во Рим имаше можност да гледа како неговиот омилен тим победува 7:1. Ви ги претставуваме навивачите кои не трепкаат кога игра Баерн.

Антиќ ја виде фештата во Пиреја и топовските удари во сала

Втор пат во претходните 17 години Панатинаикос остана без титула во кошаркарското првенство на Грција, а Олимпијакос е новиот шампион. И Перо Антиќ во живо беше на прославата.

Се сретнаа најголемиот навивач на Баерн и Лотар Матеус

Уве Биндел е еден од тие навивачи на кои им е поважен фудбалот од годишнината со жена му која наместо на одмор, за 20 години од брак ја однел во Баварија да гледаат финале во Лига на шампиони. Ќе го стегнеше срце кога по 32 години се сретна со идолот.

Пријателски меч како на Светско првенство

Не е ниту Светско, ниту Европско, а ниту квалификациски натпревар, но за навивачите на Белгија тоа не менува ништо. На гостинскиот пријателски дуел против Франција отпатуваа околу 6.000 и си поминаа како да биле на Мундијал. 

Фешта за шампионот на Полска

Тимот на Лех Познан по седми пат во својата историја ја освои титулата во Полска. Лех во последното коло ја совлада Висла со 2:0 и ја сочува предноста пред лутиот ривал Легија Варшава. Домашните навивачи направија фантастична кореографија зачинета со многу бакљи.

За Лацијалите од Македонија дозна цел Рим

За рубриката „навивачи“ следни кои ни ги раскажаа своите искуства поврзани со омилениот клуб оддалечен на 2.000 км се македонските фанови на Лацио. Тие имаа две среќни ждрепки во Лига Европа кои им го донесоа Лацио во Скопје и Софија. 

Лацио - Рома од навивачки агол

Големото градско дерби на Рим ниту овој пат не помина без проблеми. Пред и после натпреварот навивачите на двата клуба се судрија околу Олимпико, а двајца навивачи на Рома се избодени со нож.

Последниот свиреж во Мадрид од гостински сектор

Навивачите на Јувентус после цели 12 години повторно ќе го гледаат својот тим во финале на Лигата на шампионите. Тоа беше доволна причина да побудалат од радост.

Пења мадридиста - гласот на Реал во Македонија

По италијанските и англиските ФАН клубови, свое место во караванот на Офф.нет доби и ФАН клубот на Реал Мадрид од Македонија. Ни раскажаа за вистинското лице на Пепе, за ракувањето и средбата со Флорентино Перез и идејата Реал да отвори камп во нашата земја.

Бразилците се тепаат и кога слават титула

Во Јужна Америка често пати работите на фудбалски натпревар излагуваат од контрола. Така беше и во еден понизок ранг каде во финалето Форталеца стана првак со гол во последните мигови од средбата. Судијата свирна крај, а тоа беше почеток за војна на теренот.