Offside › Набрзинка

Поранешен српски фудбалер фатен со дрога вредна 70 милиони евра

21 August 2026

Урош Милошевиќ (31) е уапсен во Португалија откако се обидел да пренесе повеќе од 1,5 тони кокаин, чија вредност се проценува на повеќе од 70 милиони евра, како и две наполнети воени оружја подготвени за употреба.
Според португалскиот „Жорнал де Нотисијас“, запленетиот кокаин припаѓа на таканаречениот „Балкански картел“, криминална организација која е предмет на поширока истрага од страна на португалските и шпанските истражни органи.
Апсењето на Милошевиќ е дел од операција против истата организација. Само една недела претходно, биле уапсени уште две лица во Шпанија и им биле запленети 3,7 тони дрога.
Милошевиќ играл за неколку српски клубови, меѓу кои Чукарички, ИМ Раковица, Телеоптик и Синѓелиќ Белград.

извор

Што се случува со Сабаленка?

20 August 2026

Најдобрата тенисерка на свет во последните неколку недели не личи на себе на тениските терени. Белорусинката која сееше страв на Гренд слем турнирите и освои еден куп ВТА титули, сега е во страшен пад на формата.
Арина Сабаленка оди од пораз во пораз и западна во тешка резултатска криза.
Откако ги освои Индијан Велс и Мајами во март, изгуби во четвртфинале на Ролан Гарос, изгуби во 4. коло на Вимблдон, беше елиминирана од Мастерсот во Торонто каде изгуби од Екатерина Александрова.
Сега шокантен пораз Сабаленка претрпе и од 20-годишната тенисерка од Чешка Сара Бејлек која е на 35. место на женската светска ранг листа. Белорусинката изгуби откако во вториот сет имаше водство 4-1 а во првиот сет изгуби во тај-брејк 9:7.
По освоениот таканаречен „Саншајн Дабл“ во Индијан Велс и Мајами, Арина Сабаленка загуби на 7 турнири: Мадрид (четврфинале), Рим (16/финале), Ролан Гарос (четвртфинале), Берлин (полуфинале), Вимблдон (осминафинале), Канада/Торонто (осминафинале) и Синсинати (осминафинале).
Сега ја чека УС Опен но со ваква форма многу лесно би можела да ја изгуби првата позиција на ВТА листата која сериозно ја мерка Елена Рибакина.

извор

Почнува Европско првенство за одбојкарки

20 August 2026

Во петок во Турција, Чешка, Шведска и Азербејџан ќе започне 34. Европско првенство за одбојкарки. Ќе се игра до 6-ти септември за кога е закажано големото финале во Истанбул.
Ќе играат 24 репрезентации кои ќе се борат за европската титула но и за пласман на Светското првенство (освојувачи на медали на ова Еуро). Европскиот шампион ќе обезбеди и учество на Летните Олимписки игри во Лос Анџелес 2028.
Титулата ја брани Турција која на минатото Европско првенство во Брисел во Белгија после голем пресврт во финалето ја совлада Србија со 3:2 во сетови. Предводени од Кубанката која игра за Турција Мелиса Варгас, со врвниот селектор Даниеле Сантарели од Италија, Турчинките и сега се голем фаворит а тоа го потврдија и со пехарот освоен во Лига на нации пред помалку од два месеци.
Покрај Турција, најсериозен кандидат за титулата е и Италија која ќе се бори за трето европско злато во женска одбојка.
Меѓу фаворитите е и репрезентацијата на Србија која освои шест медали на последните седум Европски првенства од кои дури три беа златни медали.