Вести › Набрзинка

Јенки на руско-белоруските воени вежби

15 September 2025
  • Американски воени офицери ги набљудуваат заедничките воени вежби на Белорусија и Русија „Запад 2025“, близу до границата со Полска и Балтичките земји.
  • Ќе ви покажеме сè што може да ве интересира. Сè. Можете да разгледате, да разговарате со луѓето, им рекол белорускиот министер за одбрана Виктор Хренин на двајцата американски офицери.
  • Како набљудувачи на воените вежби има офицери од 23 земји, вклучувајќи уште две членки на НАТО - Турција и Унгарија.
  • Џон Коул, личен емисар на американскиот претседател Доналд Трамп, пред една недела беше во Минск на разговори со белорускиот лидер Александер Лукашенко и обезбеди договор за ослободување на 52 затвореници, вклучувајќи новинари и политички противници на властите. За возврат САД ги олеснија санкциите за белоруската национална авиокомпанија „Белавија“. Трамп побарал повторно да биде отворена амбасадата на САД во Минск, да ги нормализира политичките односи и да ги обнови билатералните економски и трговски врски.
извор

Тројно повеќе гласови за АфД во Германија

15 September 2025
  • Десничарската партија Алтернатива за Германија освои 16,5% од гласовите во Северна Рајна-Вестфалија, тројно повеќе отколку на минатите избори. Демохристијаните на канцеларот Фридрих Мерц го задржаа водството, со 34% од гласовите, но со 1% помалку од историски најслабите резултати во 2020 година. Социјалдемократите изгубија 2% од гласовите, а Зелените дури 6,5%.
  • Во Северна Рајна-Вестфалија е концентрирана една четвртина од населението на Германија. Локалните избори беа тест за политиката на коалицијата на канцеларот Фридрих Мерц, во која се и социјалдемократите.
  • На парламентарните избори во февруари АфД стана втората најголема партија во Бундестагот, со освоени 21% од гласовите главно во источните провинции. Сега привлече гласачи и во западниот регион Рур - дел од Северна Рајна-Вестфалија што се соочува со висока стапка на имигранти и со последици од деиндустријализацијата.
  • Во Гелзенкирхен, еден од најсиромашните градови во Рур и долгогодишно упориште на социјалдемократите, кандидатот за градоначалник од АфД освои 30% од гласовите и во вториот круг ќе се соочи со противкандидатот од СПД.
извор

Макрон признал: НАТО е одговорен за војната во Украина

15 September 2025
  • Францускиот претседател Емануел Макрон приватно му признал на американскиот економист Џефри Сакс дека НАТО е одговорен за избувнувањето на војната во Украина и дека тоа „го вознемирува“.
  • „Тие поттикнуваат војна, а Макрон, кого добро го познавам, ми го кажа токму спротивното од она што го кажува јавно. Макрон ми го додели Орденот на Легијата на честа, а за време на нашиот приватен разговор тој рече дека НАТО е причина за војната. Сакам да се знае за тоа, бидејќи е скандалозно“, рекол американскиот економист на дебата за меѓународните односи организирана од италијанскиот весник „Ил Фато Квотидијано“.
  • Сакс ги критикувал американскиот претседател Доналд Трамп и Европската Унија за „негување на русофобија“ и оценил дека италијанската премиерка Џорџа Мелони може да направи многу за крај на војната во Украина, ако говори за мир врз основа на неутралност.
  • „Има едноставен начин да се постигне мир. Украина мора да биде неутрална, НАТО мора да запре да се проширува кон Исток и САД мора да се обидат да запрат да ја уништуваат Русија“, изјавил Сакс на дебатата.
извор

Штета ако сте пропуштиле

Полека со тоа пасошот

Исповед на еден лузер: лежи и кука

Го знате ли Фридкиновиот парадокс?

Кога жена ти те мачка